TURA: Adita salrangna skang Hynniewtrep National Liberation Council (HNLC) bobil dolni gitcham general secretary Cheristerfield Thangkhiew-ko police-rangni so·otani gimin Robibar salo a·songni jakgitelani salko manianio Shillong songjinmani adita biaprango so·sojengjeng ong·anirangko nikna man·ahaoba Garo Hills-ode a·songni chang 75-gipa jakgitelani salko tom·tome maniangskaaha.
COVID-19 giprorokuengani gimin ia salko Garo Hills-ni pilak biaprangon dal·e manitokjahaoba, pilak biaprangon a·songni nisanko badale, adita program-rangkoba ong·attokaha.
Tura-o ia salko New Tura-o donggipa Law College Field-o maniangaha aro ia salko manianio Meghalaya a·dokni Agriculture Minister Banteidor Lyngdoh, mongsonggipa sokgipa ong·e a·songni nisanko badale on·angaha.
March past-ko Tura DEF, 2nd MLP Battalion aro Home Guards sipai dolrang ka·angaha aro uamangko a·dokni Agriculture Minister, salam ka·angaha.
Ia manianio West Garo Hills a·jani Deputy Commissioner Ram Singh, DRDA-ni Project Director CN Sangma, ADC Mary T Sangma, ADC Rezia Ch Sangma, EAC Mary Liza K Marak, Superintendent of Police V Rathore aro dingtang dingtang department-ni officer-rangba dongpae bak ra·angaha.
Ia salko manianio a·dokni Agriculture Minister Banteidor Lyngdoh, jinmana aganprakangengon, a·songni jakgitelanina krengdilanggipa Mahatma Gandhi, Pandit Jawaharlal Nehru aro gipin dilgiparangna mande ra·pilskaaniko on·angaha.
Sajinmani somoio COVID-19-ko warachakna mikkango donge kam ka·enggipa manderangkoba ua mittelpilangaha aro sabisi man·e sianggipa manderangnaba kalimpaaniko parakangaha.
COVID-19-ko warachakna gita rakbee kamrangko ka·engani gimin health care worker aro frontline worker-rangko mittelpilangengon, sabisini giproroaniko warachakna gita sorkari, joltangni dilgiparang, toromko dilgiparang aro dingtang dingtang dolrangni dakchakanirangkoba ra·enga ine Lyngdoh parakangaha.
Meghalaya a·doko COVID man·giparangko nambate sanna man·na gita sorkari, hospital-ni palangrangko bariataha, dingtang dingtang hospital, PHC aro CHC-rango oxygen plant-rangko kulie on·aha ineba ua parakangaha.
Shillong, Tura, Nongpoh aro Jowai civil hospital-rango Medical Gas pipeline-rangko songe on·aha ineba Lyngdoh aganaha.
Megha Health Insurance Scheme (MHIS)-ni ning·o biming segatgiparangna sorkari, COVID-ko sannanio korosrangko dakchakna gita MHIS-ni gita dakchakaniko bariataha ineba Agriculture Minister parakataha.
Meghalaya a·doko songdongenggipa manderangoni 47 percent-ni gitasan COVID-ni tikarangko su·engkua ine talatangengon, tikako su·e ra·anichisan an·tangtangko naljoke rakkina man·gen ine ua manderangko tika su·e ra·china aro sabisini chinrang donggenchimode ta·raken an·tangtangko porikka ra·e nichina gitaba didiangaha.
Sajinmani somoioba a·dok sorkari, Agriculture & Farmers Welfare Department-ni ning·o game ge·e cha·giparangna aro game ge·e man·aniko bariatna gita rakbee kamrangko ka·enga ineba Lyngdoh aganaha.
Agriculture Minister-ni parakatani gitade, a·doko sak 1,90,854 game ge·e cha·giparang PM KISAN-ni ning·o an·tangtangko biming segataha aro biming segatgipa nokdangrangoni dol 1,83,921 nokdangrangde namgnirangko man·engaha.
Tura-o a·songni jakgitelani salko manianio COVID-ko warachakna mikkango donge kam ka·enggipa aro Tura Municipal Board-ni Gracefield Marak baksana Tura Municipal Board-ni Bio-Medical Waste Vehicle-ko saltimgipa Tengsrang B Marak-na Minister-ni jakchi Recognition Award-ko on·angaha.
COVID-19-ni somoio rakbee kamko ka·engani gimin Chief Guest-ni jakchi Tura Civil Hospital-naba mittelpilani certificate-ko on·angaha.
Iana agreba ia bilsini SSLC porikkao name dakgipa chatro chatrirang, chong·motan Mridumay Saha, Laxita Agarwala, Abigail Tiara R Marak, Hershelle R Sangma baksana Sherwood School-ni chatro chatrirangnaba ia salko manianio recognition award-rangko on·angaha.
Ia salko manianio Goeragre-o donggipa 2nd MLP Bn Unit Hospital-ni Senior Medical & Health Officer Dr Gauri G Momin aro apsan hospital-ni Hav/Compounder Clayforth K Sangma-naba mittelpilani certificate-rangko on·angaha.
Ayushman Bharat Pradhan Mantri Jan Arogya aro MHIS-ni kamrangna Selsella PHC aro Purakhasia PHC-naba ia salo Minister-ni jakchi mittelpilani certificate-rangko on·angaha.
South West Garo Hills a·jaoba a·songni chang 75-gipa jakgitelani salko block damgittamon maniangaha. Ampati Mini Stadium-o ia salko manianio a·dokni Power Minister James PK Sangma, mongsonggipa sokgipa ong·e bakko ra·angaha aro a·songni nisanko badale on·angaha.
Ampati-o ia salko manianio tika su·mangimin dambonga songrangna Power Minister-ni jakchi mande ra·pilskaaniko dakangaha. South West Garo Hills a·jao gimik dam 30 songrang chu·gimik tikarangko su·manaha aro ia songrangnaba dingtang dingtang block-rango ia salko manianio mande ra·pilskaaniko dakangaha.
COVID-19-ni somoio an·tangtangko on·kange kamrangko ka·engani gimin ia salo South West Garo Hills a·jani sak 74 ASHA-rangnaba mande ra·pilskaaniko on·angaha.
MHIS-PMJAY-ni ning·o kamrang nambatengani gimin ia salko manianio Belbari PHC aro Zikzak PHC-naba award-rangko on·angaha aro porikkao name chu·sokgipa chatro chatri sakgittamnaba ia manianio Minister-ni jakchi mande ra·pilskaaniko dakangaha.
Dadenggre-o a·songni jakgitelani salko Chief Minister-ni Adviser Thomas A Sangma manidilangskaenba, a·songni nisanko badale on·angaha. Dadenggre sub-division-ni ning·o chu·gimik tika su·mangimin songrangna aro sorkario kam ka·enggipa mitam manderangnaba ia salko manianio Sangma-ni jakchi mande ra·pilskaaniko dakangaha.
Raksamgre-o Raksamgre sub-division-ni SDO (Civil) Leena Daring, a·songni nisanko badale on·angskaaha.
Apsan daken, Williamnagar-oba a·songni chang 75-gipa jakgitelani salko Rongrenggre Higher Secondary School-o maniangaha aro ia salko manianio Meghalaya Health Advisory-ni Chairman Rakkam A Sangma, mongsonggipa sokgipa ong·e a·songni nisanko badale on·angaha.
East Garo Hills a·jao chu·gimik tika su·mangimin songrang, chong·motan Chiringro, Nokgil A·we, Nengmandalgre, Chima Songgital aro Dolwarigre A songrangna ia salko manianio certificate-rangko on·angaha. East Garo Hills a·jao nambatgipa PHC-ni boksisko Bansamgre PHC man·angskaaha.
South Garo Hills a·jani headquarter Baghmara-oba ia salko Baghmara Sports Playground-o maniangaha aro ia manianio Williamnagar-ni MLA Marcuise N Marak, mongsonggipa sokgipa ong·e bakko ra·angenba, a·songni nisanko badale on·angaha.
MHIS-ni ning·o Siju PHC aro Nongalbibra PHC-na nambatgipa PHC-ni boksisko ia manianio on·angaha.
Indake ong·engon, Resubelpara-o Assembly-ni Deputy Speaker Timothy D Shira aro Chokpot sub-division-o Kharkutta-ni MLA Rupert Momin, mongsonggipa sokgiparang ong·e bakko ra·angskaenba, a·songni nisanko badale on·angaha.
COVID-19 giprorokuengani gimin ia salko Garo Hills-ni pilak biaprangon dal·e manitokjahaoba, pilak biaprangon a·songni nisanko badale, adita program-rangkoba ong·attokaha.
Tura-o ia salko New Tura-o donggipa Law College Field-o maniangaha aro ia salko manianio Meghalaya a·dokni Agriculture Minister Banteidor Lyngdoh, mongsonggipa sokgipa ong·e a·songni nisanko badale on·angaha.
March past-ko Tura DEF, 2nd MLP Battalion aro Home Guards sipai dolrang ka·angaha aro uamangko a·dokni Agriculture Minister, salam ka·angaha.
Ia manianio West Garo Hills a·jani Deputy Commissioner Ram Singh, DRDA-ni Project Director CN Sangma, ADC Mary T Sangma, ADC Rezia Ch Sangma, EAC Mary Liza K Marak, Superintendent of Police V Rathore aro dingtang dingtang department-ni officer-rangba dongpae bak ra·angaha.
Ia salko manianio a·dokni Agriculture Minister Banteidor Lyngdoh, jinmana aganprakangengon, a·songni jakgitelanina krengdilanggipa Mahatma Gandhi, Pandit Jawaharlal Nehru aro gipin dilgiparangna mande ra·pilskaaniko on·angaha.
Sajinmani somoio COVID-19-ko warachakna mikkango donge kam ka·enggipa manderangkoba ua mittelpilangaha aro sabisi man·e sianggipa manderangnaba kalimpaaniko parakangaha.
COVID-19-ko warachakna gita rakbee kamrangko ka·engani gimin health care worker aro frontline worker-rangko mittelpilangengon, sabisini giproroaniko warachakna gita sorkari, joltangni dilgiparang, toromko dilgiparang aro dingtang dingtang dolrangni dakchakanirangkoba ra·enga ine Lyngdoh parakangaha.
Meghalaya a·doko COVID man·giparangko nambate sanna man·na gita sorkari, hospital-ni palangrangko bariataha, dingtang dingtang hospital, PHC aro CHC-rango oxygen plant-rangko kulie on·aha ineba ua parakangaha.
Shillong, Tura, Nongpoh aro Jowai civil hospital-rango Medical Gas pipeline-rangko songe on·aha ineba Lyngdoh aganaha.
Megha Health Insurance Scheme (MHIS)-ni ning·o biming segatgiparangna sorkari, COVID-ko sannanio korosrangko dakchakna gita MHIS-ni gita dakchakaniko bariataha ineba Agriculture Minister parakataha.
Meghalaya a·doko songdongenggipa manderangoni 47 percent-ni gitasan COVID-ni tikarangko su·engkua ine talatangengon, tikako su·e ra·anichisan an·tangtangko naljoke rakkina man·gen ine ua manderangko tika su·e ra·china aro sabisini chinrang donggenchimode ta·raken an·tangtangko porikka ra·e nichina gitaba didiangaha.
Sajinmani somoioba a·dok sorkari, Agriculture & Farmers Welfare Department-ni ning·o game ge·e cha·giparangna aro game ge·e man·aniko bariatna gita rakbee kamrangko ka·enga ineba Lyngdoh aganaha.
Agriculture Minister-ni parakatani gitade, a·doko sak 1,90,854 game ge·e cha·giparang PM KISAN-ni ning·o an·tangtangko biming segataha aro biming segatgipa nokdangrangoni dol 1,83,921 nokdangrangde namgnirangko man·engaha.
Tura-o a·songni jakgitelani salko manianio COVID-ko warachakna mikkango donge kam ka·enggipa aro Tura Municipal Board-ni Gracefield Marak baksana Tura Municipal Board-ni Bio-Medical Waste Vehicle-ko saltimgipa Tengsrang B Marak-na Minister-ni jakchi Recognition Award-ko on·angaha.
COVID-19-ni somoio rakbee kamko ka·engani gimin Chief Guest-ni jakchi Tura Civil Hospital-naba mittelpilani certificate-ko on·angaha.
Iana agreba ia bilsini SSLC porikkao name dakgipa chatro chatrirang, chong·motan Mridumay Saha, Laxita Agarwala, Abigail Tiara R Marak, Hershelle R Sangma baksana Sherwood School-ni chatro chatrirangnaba ia salko manianio recognition award-rangko on·angaha.
Ia salko manianio Goeragre-o donggipa 2nd MLP Bn Unit Hospital-ni Senior Medical & Health Officer Dr Gauri G Momin aro apsan hospital-ni Hav/Compounder Clayforth K Sangma-naba mittelpilani certificate-rangko on·angaha.
Ayushman Bharat Pradhan Mantri Jan Arogya aro MHIS-ni kamrangna Selsella PHC aro Purakhasia PHC-naba ia salo Minister-ni jakchi mittelpilani certificate-rangko on·angaha.
South West Garo Hills a·jaoba a·songni chang 75-gipa jakgitelani salko block damgittamon maniangaha. Ampati Mini Stadium-o ia salko manianio a·dokni Power Minister James PK Sangma, mongsonggipa sokgipa ong·e bakko ra·angaha aro a·songni nisanko badale on·angaha.
Ampati-o ia salko manianio tika su·mangimin dambonga songrangna Power Minister-ni jakchi mande ra·pilskaaniko dakangaha. South West Garo Hills a·jao gimik dam 30 songrang chu·gimik tikarangko su·manaha aro ia songrangnaba dingtang dingtang block-rango ia salko manianio mande ra·pilskaaniko dakangaha.
COVID-19-ni somoio an·tangtangko on·kange kamrangko ka·engani gimin ia salo South West Garo Hills a·jani sak 74 ASHA-rangnaba mande ra·pilskaaniko on·angaha.
MHIS-PMJAY-ni ning·o kamrang nambatengani gimin ia salko manianio Belbari PHC aro Zikzak PHC-naba award-rangko on·angaha aro porikkao name chu·sokgipa chatro chatri sakgittamnaba ia manianio Minister-ni jakchi mande ra·pilskaaniko dakangaha.
Dadenggre-o a·songni jakgitelani salko Chief Minister-ni Adviser Thomas A Sangma manidilangskaenba, a·songni nisanko badale on·angaha. Dadenggre sub-division-ni ning·o chu·gimik tika su·mangimin songrangna aro sorkario kam ka·enggipa mitam manderangnaba ia salko manianio Sangma-ni jakchi mande ra·pilskaaniko dakangaha.
Raksamgre-o Raksamgre sub-division-ni SDO (Civil) Leena Daring, a·songni nisanko badale on·angskaaha.
Apsan daken, Williamnagar-oba a·songni chang 75-gipa jakgitelani salko Rongrenggre Higher Secondary School-o maniangaha aro ia salko manianio Meghalaya Health Advisory-ni Chairman Rakkam A Sangma, mongsonggipa sokgipa ong·e a·songni nisanko badale on·angaha.
East Garo Hills a·jao chu·gimik tika su·mangimin songrang, chong·motan Chiringro, Nokgil A·we, Nengmandalgre, Chima Songgital aro Dolwarigre A songrangna ia salko manianio certificate-rangko on·angaha. East Garo Hills a·jao nambatgipa PHC-ni boksisko Bansamgre PHC man·angskaaha.
South Garo Hills a·jani headquarter Baghmara-oba ia salko Baghmara Sports Playground-o maniangaha aro ia manianio Williamnagar-ni MLA Marcuise N Marak, mongsonggipa sokgipa ong·e bakko ra·angenba, a·songni nisanko badale on·angaha.
MHIS-ni ning·o Siju PHC aro Nongalbibra PHC-na nambatgipa PHC-ni boksisko ia manianio on·angaha.
Indake ong·engon, Resubelpara-o Assembly-ni Deputy Speaker Timothy D Shira aro Chokpot sub-division-o Kharkutta-ni MLA Rupert Momin, mongsonggipa sokgiparang ong·e bakko ra·angskaenba, a·songni nisanko badale on·angaha.