Meghalayao sakchet manderang COVID man·e siangtaiaha

SHILLONG: Meghalaya A·doko mijal salni bako sakchet manderang COVID sabisio uamangni janggirangko gimaattaiaha aro ia apsan salni bakon sak 231 manderang COVID-19 sabisiko man·dapaha aro sak 460 gipinrang sabisioni nampiltokskaaha.
Mijal salni bako COVID-19 sabisi man·dapgipa sak 231 manderangoni, East Khasi Hills-o sak 86, Ri-Bhoio sak 54, West Khasi Hills-o sak 50, West Garo Hills-o sak 13, West Jaintia Hills-o sak 9, North Garo Hills-o sak 7, South West Khasi Hills-o sak 5, East Jaintia Hills-o sak 4 aro South West Garo Hills-o sak 3 manderang COVID sabisiko man·dapaha.
Indake batanggimin konta 24-ni gisepo sak 460 manderang COVID sabisioni an·sengpiltokaha, uamangoni, East Khasi Hills-o sak 226, West Khasi Hills-o sak 64, Ri-Bhoio sak 56, West Garo Hills-o sak 44, South West Khasi Hills-o sak 30, East Jaintia Hills-o sak 13, North Garo Hills-o sak 7, South Garo Hills-o sak 7, East Garo Hills-o sak 5, South West Garo Hills-o sak 5 aro West Jaintia Hills-o sak 3 manderang COVID-ni nampilaha.
Indake ong·genchimoba a·dokni dingtang dingtang biaprango sakchet manderang uamangni janggirangko COVID-19 sabisini a·sel gimaattaiaha, Uamangoni East Khasi Hills-o sak 4 aro East Jaintia Hills, Ri-Bhoi, South West Garo Hills aro West Khasi Hills district-rango sakprak.
Meghalaya a·doko COVID-19 sabisiko man·giparang mijalona gimikchide sak 73,448 gapangaha, uamangoni sak 69,043-de sabisioni nampilaha, sak 1269 manderang uamangni janggirangko sabisio gimaataha, COVID man·e donggiparang a·doko da·oba sak 3,136 ong·kuenga.
Sak 3,136 COVID man·e donggiparangoni da·o East Khasi Hills-o sak 1,441, West Jaintia Hills-o sak 386, Ri-Bhoio sak 369, West Khasi Hills-o sak 362, West Garo Hills-o sak 261, South West Khasi Hills-o sak 155, East Jaintia Hills-o sak 46, South Garo Hills-o sak 37, East Garo Hills-o sak 29, North Garo Hills-o sak 25, South West Garo Hills-o sak 25 dongkuenga.