SHILLONG: COVID-19-ni a·sel kamrangko gimaatna nanggipa, maming janggi tangani cholrang donggijagipa, segri ma·a, ma·gri pagri ong·gipa, be·enni gita cholgri ong·gipa bi·sarang aro uandakgipa nokdangrangoni sak 100 chatro chatrirangna ia 2021-22 academic bilsio Martin Luther Christian University (MLCU)-ni gita indin COVID scholarship-rangko on·gen ine kobor on·aha.
Ia scholarship-ko Bachelor’s degree-ni bilsi 3 ba bilsi 4-na on·gen aro ia scholarship-na gong 100-kosan nominbal application fee dake gamna nangaigen.
Ia ge 100 seat-rangko, MLCU-ni Business Administration (BBA), Computer Application (BCA), Environment & Traditional Ecosystems (BSc), Music (BA), Food Science & Nutrition (BSc) aro Travel & Tourism Managemt (BTTM) department-rango on·gen.
Ia scholarship-na dorgastorangko August 28 tarikoni September 13 tarikona ra·chakgen aro iani bidingo talbate ma·sie ra·na sikgiparang, MLCU-ni website-ona re·ange ba 9362703349/9863594249 nombor-rangona ka·e sing·sandiatna man·gen.