Mawkyrwat: South West Khasi Hills District, Indo-Bangla International border sepang song damsaoniko bilsokgijagipa me·chik saksako rim·git-tanggipa mandeko rim·na aro rim·gittanga man·gipa me·chikko naljokatna sal-gni salrang sandiani ja·mano police, mijal Mongolbar pringo South Garo Hills District Mahe-skola songoniko me·chikko man·eaha aro dosi dakgipa mandekoba rim·jolaha.
Bilsokgijagipa me·chik bi·saksani gimaani gimin aro rim·gittangna nanga ine chanchichipe nokdangni manderangni ijahar ka·ani ja·mano rim·gittanga man·-gipa me·chikko naljokatna aro sandina Police Crime-ni Deputy Superintendent-chi skotong ong·e sandina ta·raken police dolko donaha, South West Khasi Hills Superintendent of Police, Bashan J. Laloo aganaha.
“Police department-oni chinga bilsokgijagipa me·-chikko naljokatna namen jotton ka·aha aro chinga Border Security Force-oniko dakchakaniko man·e me·chikko aro dosi dak-gipako sandina man·aha. Uamang Mahes-kola (South Garo Hills District)-ona re·baaha aro bame on·aha aro me·chikko nokdangna pakwataha aro dosi dakgipa Mohibul Ali (29) Kantapara, Golpara, Assam-oni uko rim·aha, Laloo aganaha. Indian Penal Code (IPC)-ni Section 363-ni ning·p police mamla segataha aro a·selko sandi-enga. Rim·gittanga ong·-janaba donga seke katasa ong·na nanga,’’ SP u·iataha.
