SHILLONG: Bristibar attamchibara, Pynursla-oni Shillong-ona dakbagipa ramao Maruti Swift aro Tipper Truck gari bolsa chatinggrike a·sel ong·anichi mande sakgni saknaako man·aha.
Police-rangni u·iatani gitade, ML-05Q 3966 Tipper Truck gari, an·tangni biap gita ong·gija skatang salangenba, Maruti Swift gariko su·gakeaha aro gari bolgni chatinggrike a·sel ong·anio Maruti Swift garini mande sakgni saknaanirangko man·na nangaha.
Ia garini mikkango asonggipa manderangde maming ong·jaha indiba ki·sango asonggipa mande sakgni adita saknaanirangko man·aha ineba police-rang u·iataha.
A·sel ong·ani ja·mano saknaa man·gipa manderangko sanna gita hospital-ona ra·angaha.
Ia gari bolgni chatinggrike a·sel ong·ani ja·man, ia ramako re·ruraenggipa garirang adita somoirangna jachange dongna gita nangtokaha ineba kobor on·aha.
Pynursla-Shillong ramao gari a·sel ong·anichi sakgni saknaaniko man·a
Date:
Share post:
