SHILLONG: Meghalaya Pradesh Congress Committee-ni gital office bearer-rangko Mongolbar salo All India Congress Committee (AICC) songe on·angaha.
MPCC-ni gital office bearer-ranga general secretary-na Wansuk Syiem, Sanjay Das aro Deborah Marak aro unbaksana treasurer-na Mohendro Rapsang ong·a.
Iani bidingo Mongolbar salo AICC-ni general secretary KC Venugopal, jinmana u·iataniko on·angaha.
Adita salrangna skangsan, MPCC-ni president-na Shillong-ni Lok Sabha MP Vincent H Pala-ko AICC songe on·angahachim.