SHILLONG: Batanggimin konta 24-ni gisepo Meghalaya a·doko sak 118 manderang COVID-19 sabisiko man·dapaha, jeon sak 214 manderang COVID sabisioni nampilskaaha, unomitingo sakbri manderang mijal salni bako COVID sabisini a·sel uamangni janggirangko gimaataha.
Mijal salni bako sak 118 COVID sabisi man·dapgiparangoni, East Khasi Hills-o sak 63, Ri-Bhoio sak 4, West Jaintia Hills-o sak 24, West Khasi Hills-o sak 10, West Garo Hills-o sak 8, East Jaintia Hills-o sak 3, South West Garo Hills-o sak 1, North Garo Hills-o sak 1, South Garo Hills-o sak 1, South West Khasi Hills-o sak 3. mijal salni bako East Garo Hills district-ode COVID man·dapgipa dongjaha.
Robibar salni bako COVID sabisioni nampilgipa sak 214 manderangoni, East Garo Hills-o sak 2, East Jaintia Hills-o sak 10, East Khasi Hills-o sak 128, Ri-Bhoio sak 16, South West Garo Hills-o sak 1, South West Khasi Hills-o sak 5, West Garo Hills-o sak 10, West Jaintia Hills-o sak 18, West Khasi Hills-o sak 24 manderang sabisioni an·sengpiltokaha, unomitingo North Garo Hills aro South Garo Hills district-rango sabisioni nampilgiparang dongjaha.
Mijal salni bako sak 4 manderang COVID sabisini a·sel uamangni janggirangko gimaataha, uamangoni East Khasi Hills-o sakgni aro West Jaintia Hills-o sakgni aro uamang gimikan COVID tikkarangko su·kugijagiparang ong·achim.
Meghalaya a·doko COVID sabisiko man·giparang mijalona gimikchide sak 78,133 gapangaha. Uamangoni sak 74,964 manderang sabisioni nampilaha, sak 1,356 manderang uamangni janggirangko sabisio gimaataha. COVID sae donggiparang Meghalayao da·oba sak 1,813 dongengkua.
A·doko COVID sae donggipa sak 1,813-oni East Garo Hills-o sak 12, East Jaintia Hills-o sak 31, East Khasi Hills-o sak 831, North Garo Hills-o sak 12, Ri-Bhoio sak 156, South Garo Hills-o sak 3, South West Garo Hills-o sak 10, South West Khasi Hills-o sak 96, West Garo Hills-o sak 77, West Jaintia Hills-o sak 220, West Khasi Hills-o sak 365 dongengkua.
