TURA: West Garo Hills Deputy Commissioner-ni Office-ni gita adita salrangna skango, Multi Facility Building, Purakhasia-o salsani Consumer Awareness Program-ko ong·atangaha, jeon Fair Price Shop dealer-rang aro Vigilance Committee memborrangko man·chape bang·a manderangan bakko ra·aha.
Salgimikna ong·atgipa programo, National Food Security Act, 2013 aro the entitlement of food-grains for the Antyodaya Anna Yojna (AAY)-oniko cha·anirangko man·ani aro Priority House-Holds (PHH)-ko man·ani aro jaantio on·enggipa cha·ani bosturangko man·na gita aadhar enrolment-ko dakaniara baditana nangchongmotgipa ong·achim, iarangni bidingo Superintendent of Supply, Juniko K Marak agan-talate on·angaha.
Bosturangko maidake naljoke rakkigen uarangni bidingo Food Safety-ni Assistant Commissioner, Tangme Ch Marak talate on·angaha, unbaksana Food Safety and Standards Authority of India (FSSAI)-ni kamrangni bidingoba talate on·angaha aro daito ra·gipa consumers ba bregiparang ong·china manderangko didian baksa anti-bajarrangoniko bosturangko breengon mikrake brechina gitaba didiataha.
Department of Legal Metrology-ni bil aro kamrangni gimin, galamal dokkan dakgiparang, petrol pump kuligiparang, LPG Agency-rang aro ugitarangko chalaigiparangni license-rangko renew ka·na nangani bidingo Legal Metrology-ni Inspector, Raksang K Marak, taltate on·aha, unomitingo Supply-ni Sub-Inspector Gracifield K Sangma, consummer-rangni bil aro daitorangni bidingo talate on·aha aroba kamrangko ka·engon aro bosturangko breengon, uamangni rights ba bilko jakkalchina gitaba ua manderangko didiangaha.
Program ong·atani somoio, Covid-19 tikkarangko su·ani aro Aadhar enrolment camp-rangkoba apsan somoion ong·atjolaha.
