COVID-19: Sak 127 man·dapa, sakgni sianga

SHILLONG: Mijal Mongolbar salni bako Meghalaya a·doko sak 127 manderang COVID-19 sabisiko man·dapaha, jeon sak 295 manderang COVID sabisioni nampilskaaha, unomitingo sakgni manderang mijal salni bako COVID sabisini a·sel uamangni janggirangko gimaataha.
Batanggimin konta 24-ni gisepo sak 127 COVID sabisi man·dapgiparang-oni, East Garo Hills-o sak 5, East Jaintia Hills-o sak 4, East Khasi Hills-o sak 75, Ri-Bhoio sak 3, South West Khasi Hills-o sak 3, West Garo Hills-o sak 5, West Jaintia Hills-o sak 14, West Khasi Hills-o sak 18. Unomitingo North Garo Hills, South Garo Hills aro South West Garo Hills ia district damgittamode mijal salni bako COVID man·giparang dongdapjaha.
Mijal Sombar salni bako COVID sabisioni nampilgipa sak 295 manderangoni, East Garo Hills-o sak 2, East Jaintia Hills-o sak 4, East Khasi Hills-o sak 92, North Garo Hills-o sak 3, Ri-Bhoio sak 9, South West Garo Hills-o sak 1, South West Khasi Hills-o sak 49, West Garo Hills-o sak 12, West Jaintia Hills-o sak 16, West Khasi Hills-o sak 107. South Garo Hills-oni saksaba COVID-oni nampilgipa dongjaha.
Mijal salni bako East Khasi Hills-o saksa aro Ri-Bhois saksa gimik sakgni manderang COVID sabisini a·sel uamangni janggirangko gimaataha aro uamang sakgnian COVID tikkarangko su·tokkujachim.
Meghalaya a·doko COVID sabisiko man·giparang mijalona gimikchide sak 78,486 gapangaha. Uamangoni sak 75,436 manderang sabisioni nampilaha, sak 1,361 manderang uamangni janggirangko sabisio gimaataha. COVID sae donggiparang Meghalayao da·oba sak 1,689 dongengkua.
A·doko COVID sae donggipa sak 1689-oni East Garo Hills-o sak 14, East Jaintia Hills-o sak 27, East Khasi Hills-o sak 761, North Garo Hills-o sak 8, Ri-Bhoio sak 154, South Garo Hills-o sak 3 South West Garo Hills-o sak 10, South West Khasi Hills-o sak 72, West Garo Hills-o sak 66, West Jaintia Hills-o sak 245, West Khasi Hills-o sak 329, dongengkua.

Get real time updates directly on your device, subscribe now.

Comments are closed.