Tura: Pedaldoba Regional unit-ni Garoland State Movement Committee (GSMC), ia bilsi aro re·anggipa bilsirango a·doko Meghalaya Teacher Eligibility Test (MTET) porikkako see pas ka·gimin skulni skigiparangko kamona okampilchina gita sorkario raken dabiangaha.
Ia sal somoirango a·gilsak gimiko covid sabisini a·sel namen neng·nikanirangko chagrongna nanggenchimoba, ma·mong aro a·dok sorkari re·anggipa 2019 bilsionin Teacher Eligibility Test porikkarangko seattokaha.
Uandake mitam skulni skigiparang ia neng·nikani somoirango krenge porikkarangko seangtokahaon, uamang namen chu·sokgipa ong·na man·tokahachim indiba MTET porikkako pas ka·gimin skigiparangna mongsongbate Dadenggre Sub-Division-ni ning·o ga·akgipa dingtang dingtang jolrango da·o dipetba kamna okampilani dongkujaengani a·selo, uamang mitamrangde kam gri dongna nangao ga·akskaenga ineba Pedaldoba Regional Unit-ni GSMC chairman, Rimjen Ch. Sangma a·dok sorkariko matangataha.
Ia sal somoirango a·doko covid sabisini a·sel neng·nikanirangko man·genchimoba education department-ni gita ong·atanggipa MTET porikkani result-rangko batanggimin April 29, 2021 tarikon parakatmanaha aro uandake gipin district ba a·jarangode MTET porikkao chu·sokanggiparangna skigipani kamna okamanahachim, indiba Dadenggre Sub-Division-ni ning·o ga·akgipa skulrangna da·o dipetba skigipani kamna okamskakujaenga.
Gipin a·jarango skigipani kamna okamanpilgenchimode, maini a·selo Dadenggre Sub-Division-ni ning·o ga·akgipa skulrangona skigipako ripnapkujaenga, ine GSMC-ni dilgipa sing·doaniko dakangan baksa a·dokni gipin a·jarang gita apsan dake Dadenggre sub division-oba skigipani kamna okamna nangchongmota ine raken dabianiko dakangaha.
MTET pas ka·giminko skigipani kamna okamchina GSMC sorkario dabia
Date:
Share post:
