SHILLONG: Bank-o tangka deposit ba joma ka·anio ST category-ni ning·o ga·akgiparangnade Tax Deduction at Source (TDS) dongjwa ine Chief Minister Conrad Sangma Sonibaro aganaha.
Ia gamna nanggipako watani gimin a·dokni 86 per cent scheduled tribe-rangna namen namgni ong·gen ine chief minister aganaha.
Iani bidingo Ma·mong baksa agangrikaha aro agangrikani biteko da·o nikna man·aha ine chief minister, Twitter-o parakataha.
Indake uni agangrikaniko nirokatani gimin Pa Sangma, Prime Minister Narendra Modi aro Finance Minister Nirmala Sitharaman-mangko mittelataha.