TURA: Septembet jagimikna manienggipa Poshan Maah ba Nutrition Month-ni bak gita re·baenggipa September-ni 25 tariko kilometre 10-ni Nutrition Run-ko ong·atenga.
Ia Nutrition Run-ko East aro North Garo Hills-ni ICDS Cell baksana East Garo Hills District Administration, Williamnagar District Sports Office aro gipin department-rang nangrime ong·atenga.
Ia Nutrition Run ba katsusaaniko gadang gni dake, chong·motan bilsi 15 batgiminrangna dingtang aro bilsi 15 komikuenggiparangna dingtang dake ong·atenga. Katsusaaniko Williamnagar DC office-oni a·bachengate Baija-oni pil·baenba ja·mano DC office-on matchotategen.
Katsusaanio chegiparangna tangka paisarangko boksis dake on·ani donggen ine official-rang parakataha.