SHILLONG: Shillong Mawiong-o gital rikgipa Inter-State Bus Terminus (ISBT)-ko ia bilsini December jani gisepo chalaina man·a ka·donganiko gital seokako man·gipa Transport Minister, Daskhiatbha Lamare aganaha.
Mawlai Mawiong-o namen ga·subee rikgipa Inter-State Bus Terminus (ISBT)-ko July jao Union Home Minister Amit Shah oprake on·angani jagni ja·manoba chalaigija indaken donkuenga.
Maibakai, Transport Minister mijal Butbar-o kobor ra·timgiparangna indake aganaha, PWD (Roads) ua project-ko department-na pakwatman-aha indiba adita lekkani kamrang donga jekon matchotna nangenga.
“Lekkani kamrang matchotani ja·mano, chinga cha-mi, mal-bostu palgipa dokkanrang aro dong-chakanirangko chalaina tender-ko on·gen,” Lamare aganaha. Gital nokdongga-gipa ISBT-oni bas garirangko watani bidingo sing·on, bas garirangsalanirangko man·chape ISBT-ko chalaina sorkari miksongenga aro da·o darang private party-na ua project-ko pakwatna miksonga dongja ine ua aganaha.
Project matchotahaon ine sing·anina, project-ni physical progress 98 per cent-mang ong·enga ine aganaha. “Adita chona-rema bijolini aro cha dokkanrangni kamrang matchotgija bangki dongkuenga aro antignini gisepo ua kamrangko matchotatgen,” kamrangko nina biapona re·anggen aro man·a dipet ta·rake ua project-ko chalaina maikai man·gen department baksa agangrikgen ine Minister aganaha.
Indake ong·engon, Project-ko rikmitingo rikgipa biapo napna manderangko champengna police dolko watataha aro kam ka·giparangko nirokenga, koboro u·iataha. ISBT-na 2013 January 28-o North Eastern Council gong kror 48.31 tangkako chamataha.
Ua project-ko bon·kamgipa work order-ko on·aonin ja 36 2017 October-o matchotatna ka·dongsoachim. PWD (Roads) tender-ko on·aha aro project-ko Dhar Construction-na on·aha. Terminus-o bol 200 gari basrangko dona biap donga uno dokkan, neng·take sengani aro gipin namgnirang donggen.
Transport Minister gital, Shillong-ni ISBT-ko Dec jani gisepo chalaina man·a ka·donge janapa
Date:
Share post:
