TURA: Muga jile cha·enggiparangna dingtang dingtang kamrangni bidingo agan-talate on·na gita adita salrangna skang Tura-ni P4 Unit, MESSO, CSB-ni gita Muga Field Day-ko Jengjal-o ong·atangaha aro ia program-ko ong·atanio Tura-ni DSO Sunrey G Momin, mongsonggipa sokgipa ong·e bakko ra·angaha.
Ia program-ko ong·atanio Jengjal jolrango muga jile cha·enggipa sak 30-mangni gita manderang bakko ra·angaha aro uamangna Sericulture Inspector Panna Momin, Sericulture Demonstrator Louis Sangma, Tura-ni STA GK Das, Tura-ni FA Bijayalaxmi Devi, AT KR Marak aro Tura-ni SCD Grade-I Lobash Sangma, dingtang dingtang kamrangni bidingo agan-talate on·angaha.