SHILLONG: Sukrobar salo Meghalaya a·doko sak 184 manderang COVID-19 sabisiko man·dapaha aro sak 159 manderang sabisioni nampilaha, unomitingo sakgittam manderang COVID-ni a·sel siangtaiaha, jemangan COVID tikka su·tokkujachim.
Mijal salni bako sak 184 COVID sabisi man·dapgiparangoni East Jaintia Hills-o sak 2, East Khasi Hills-o sak 91, Ri-Bhoio sak 6, South West Garo Hills-o sak 1, South West Khasi Hills-o sak 2, West Garo Hills-o sak 1, West Jaintia Hills-o sak 19, West Khasi Hills-o sak 62. Unomitingo, East Garo Hills, North Garo Hills aro South Garo Hills district-rangode COVID man·dapgipa mijalni bako dongangjaha.
Sukrobaro COVID-oni an·sengpilgipa sak 159 manderangoni East Garo Hills-o sak 3, East Jaintia Hills-o sak 6, East Khasi Hills-o sak 61, Ri-Bhoio sak 3, South West Khasi Hills-o sak 3, West Garo Hills-o sak 6, West Jaintia Hills-o sak 59, West Khasi Hills-o sak 18. Mijal salni bako, North Garo Hills, South Garo Hills aro South West Garo Hills district-ode nampilgiparang dongjaha.
Mijal salni bako East Khasi Hills-o sakgni aro West Jaintia Hills-o saksa COVID-ni sabisini a·sel siangaha.
Meghalaya a·doko COVID sabisiko man·giparang mijalona gimikchide sak 80,430 gapangaha, uamangoni sak 77,051 manderang COVID sabisioni an·sengpiltokaha aro sak 1,389 manderang rasong grie uamangni janggirangko ia sabisio gimaatna ga·akaha. Covid Man·giparang Meghalayao da·o sak 1,990 dongkuenga.
A·doko sak 1,990 COVID man·e donggiparangoni East Garo Hills-o sak 6, East Jaintia Hills-o sak 22, East Khasi Hills-o sak 914, North Garo Hills-o sak 6, Ri-Bhoio sak 228, South Garo Hills-o sak 3 South West Garo Hills-o sak 6, South West Khasi Hills-o sak 87, West Garo Hills-o sak 29, West Jaintia Hills-o sak 233, West Khasi Hills-o sak 456 dongengkua.
