SHILLONG: State Congress party-ni a·gipi dilgiprang chong·motan, gitcham chief minister Dr Mukul Sangma aro Shillong MP Vincent Pala mang sakgnini gisepo adita meligrikgijaniko nikna man·engon, Meghalaya Pradesh Congress Committee-ni General Secretary aro gitcham Deputy Chief Minister, Deborah Marak, Congress party-ko mikkangchi bilakatna apsan kamrangko ka·rimna man·a gita uamang sakgnini adita dingtanggrikengaoniko namgrikate on·china gita All India Congress Committee-ko didiatskaaha.
Debora Marak, mejalo Shillong Times kobor ra·timgiparangna parakatengon, adita salrangna skangoni koboro ba songbatrango nakatenggipa obostarang, chong·motan Congress dilgiparang sakgnini gisepo adita meligrikjaenga ingipako nike ua adita duk ong·aniko man·skaaha.
“Party-o maiba dingtanggrikani donggenchimode, party-ni namgnina uarangko seng·gnangan namgrikate on·a nanga. Party-ni namgnina haida basakobade jegrikani ba gisik sagrikani dongnaba donga, indiba uarangko agan-golpogrikachi namgrikaona ra·bana nangskaa,” ineba Marak, jean mikkang 2013 bilsini Assembly-na tarisamsona mikpakma nie kamrangko ka·samsoengachim, ua uni chubatgipa agdango kam ka·giparangko ia ong·enggipa obostarangko nigrike namaona ra·baskachina didiangjolaha ineba koborna parakataha.
Marak, indakgipa obostarang mandeo ong·rongbewalsa ine chanengon, party-ni a·gipi dilgiparang sakgni dakgrikani ba dingtanggrikani donggenchimode, mikkang changni Assembly pollo party ga·akrikaigen, indiba sakgnian namgrikaona ra·baachi apsan kamrangko ka·anggenchimode Meghalaya-o Congress party chegipa ong·na man·gen ine an·tangni ka·dongsamsoaniko parakaha.
Marak, uni All India Congress Committee-ko sakgni a·gipi dilgiparangni adita dingtanggrikengaoniko namgrikataona ra·bachina aganengon, ua Mukul Sangma-ni ru·uta bilsirangna raken kamrangko ka·e on·achi a·doko Congress party-ko mangrakatna man·ani giminba janape uko de·mittele aganangjolaha.
Dr. Mukul aro Pala mangko namgrikate on·china Debora AICC-ko didia
Date:
Share post:
