SHILLONG: Mongolbar salo Rajya Sabha-ni MP Rakesh Sinha, East Khasi Hills a·jani Kongthong songko nina re·baenba, ja·mano ia songko namdapatna gita Meghalaya a·dokni Chief Minister Conrad K Sangma baksa agangrikangaha.
Kongthong songo dingtang dingtang neng·nikanirangko chagrongna nangtokengani gimin aro mongsongbate Shillong-oni ia songona dakanggipa ramarang namsrangjaengahani gimin ia ramako tarie on·china gita Sinha, a·dokni Chief Minister-ko didiangaha aro Chief Minister-ba ia ramako ta·raken tarie on·na ku·rachakataha.
Ia chonbegipa songo tourism-ko tang·doatna gita gong kror 1 tangkarangko chame on·engani giminba ua a·dokni Chief Minister-ko mittelpilangaha aro ia songko ku·simitgipa song ine a·gilsak gimikon mingsing minggamengani gimin ia songo dingtangmancha museum aro laboratory-ko kulichina gita Chief Minister-ko didiangaha.
Ia Kongthong songko skangode UNWTO World Tourism Organisation-ni gita, India a·songo tourism nambatgipa song damgittamoni damsa ine chanahachim.
Ia Kongthong song baksana Mawmang, Mawsohmad aro Sder songrangko jako ra·na gitaba Sinha da·o proposal-ko on·aha aro ia jolrango donggipa dam 12 songrangko apsan nangrime dolko bikotenba, ia jolo smu aro bija bitchini karkanarangko kulichina gita ku·pattiangaha.
Kashmir a·doko jekai Bollywood jawilwatrangko tarirongachim, apsan daken Kongthong songoba Bollywood-ni jawilwatrangko tarichina gitaba Sinha nangnikenganiko parakangaha.
Ia songko ua jatni dakbewal rikbewalrangko rakkina aro samtangtango ong·telaigiparangko ripingna gitasa jako ra·aha ine janapatengon, ia songko taridapanichi maming dakeba songni daka rikani aro samtangtango ong·telaigiparang nisiataniko man·na nangja ine Sinha aganaha.
Kongthong songko namdapatani bidingo Rajya Sabha-ni MP, a·dokni CM baksa agangrika
Date:
Share post:
