TURA: Krishi Vigyan Kendra, ICAR, West Garo Hills, September 28 tariko Climate Resilient Agriculture-ni bidingo salsani online awareness cum farmers scientist programme-ko KVK campus-o ong·atangaha.
Honorable Prime Minister Narendra Modi dingtang dingtang ming 35 rokomni gama ge·anirangko pakwate on·angaha aro National Institute of Biotic Stress Management, Raipur-o gitalgipa campus-ko oprake on·aha aro Clean Green Campus Award-ko on·angaha.
Ia programo dingtang dam 9 songni sak 116 game cha·giparang aro KVK staff-rangba bakko ra·angaha. Ia programo, wachikari me·rakku aro sin·kario ge·a gamani me·su samjakrangni bitchilrangkoba suale on·aha.
