SHILLONG: Re·baenggipa October 30 tariko ong·atnasienggipa Mawphlang Assembly Constituency-ni by-election-o sianggipa MLA SK Sunn-ni depante Eugeneson Lyngdoh, United Democratic Party (UDP)-ni tikitchi susagen ine Bristibar salo UDP-ni president Metbah Lyngdoh parakataha.
Mawngap-o UDP-ni tom·aniko ong·atangenba, Eugeneson Lyngdoh-ko UDP-o rimnapani ja·man Mawphlang by-election-o uko susaatna gita tika ka·angaha ine Lyngdoh parakataha. Ia tom·anio UDP-ni general secretary Jemino Mawthoh, a·dokni Education Minister Lahkmen Rymbui, KHADC-ni CEM Titosstarwell Chyne aro gipin dilgiparangba dongpae bakko ra·angahachim.
Mawphlang constituency-ni bang·a manderangan ia by-election-o gitcham MLA SK Sunn-ni depante Eugeneson-ko susachina nangniktokengachim ine nikna man·a.
Mawphlang-ni gitcham MLA SK Sunn, re·anggipa September-ni 10 tariko siangahachim aro uni siangani ja·man Mawphlang constituency-ni bang·a manderangan uni depanteko susaatskachina nangniktokengachim.
SK Sunn-ni depante Eugeneson Lyngdoh-ko robol kal·na changani gimin a·song gimikon mingsing minggama aro ua Meghalaya a·doknasan ong·aigija a·songna aro dingtang dingtang robol kal·susaanirangoba bakko ra·ahachim.
