AMPATI: South West Garo Hills a·jani beneficiary-rangna NFSA, 2013-ni ning·o PDS mirong aro PMGKAY-ni ningo indin on·enggipa mirongko 2021 October jana sualataha aro uamangna tikatgimin mirongko dealer-tangtangoniko ra·ena man·gen ine Deputy Commissioner (Supply) Ch. Ramakrishna u·iataha.
PDS scheme-ni ning·o AAY card donggipa nokdangdrangna kg-prako gong 3/- ka·e card kingprako kg 35; PHH card-rangna kg prako gong 3 ka·e mande sakprako kg 5 aro non-NFSA card-rangna card kingprako kg 7.05 ka·e kg prako gong 10-gong 13-na batgija palchina gita on·ataha; aro PMGKAY mirongko AAY aro PHH card donggiparangna mande sakprako kg 5 ka·e indin tangka gamna nanggija sualna on·ataha.
Ration card holderrangna PDS mirongko palengon beneficiary sakprakprakni Ration Card number-ko e-POS machine gita gapatani ja·mano jaksirangko sikdepe mirongko issue ka·jaode PDS-ni niamko pe·aha ine Meghalaya PDS Control Order 2004-ni section 42-o pangchake actionko ra·china gita State aro Central Government order-ko on·manaha. Uni gimin Ration Card-rangko duplicate ration card ba “silent ration card” ine Central Annavitran Portal-ko maintain ka·enggipa office-o potchipako man·jana gita e-Pos machine gita palchina aro brechina FPS dealer-rangna aro ration card holder-rangnaba mikrakataniko on·ataha.