A·chik a·songni bakrango Mahatma Gandhi-ni atchiani salko maniao rongtalanikoba dakangjola

TURA: National Legal Services Authority-ni ning·o West Garo Hills, District Legal Services Authority (DLSA), Pan India Awareness aro Outreach Program, Azadi Ka Amrut Mahotsav aro Legal Services Week-ni bak gita District and Sessions Judge Court aro Judicial Magistrate Court Complex-ko mijal October 2 Sonibar salo rongtal-an·talatani-rangko dakangaha.
DLSA, Dalmagre, Gong-ronggre, Songkonggre, Do·renggre, Sasatgre, Do·pananggre, Wa·kan-tagre aro Asibra-ni nokma aro songni manderang baksa nangrime apsan salon Sella Wari-o Superintendent of Police office baksa nangrime pilak police station-rangko rongtalat-dilangaha.
Asanang: West Garo Hills District Swachh Bharat Mission (Grameen), Mahatma Gandhi-ni atchia-ni salo Rongram C&RD Block-ni Multi Facility Centre Asanang-o mijal Soni-bar salo rongtalatanikoba dakangjolaha jeon West Garo Hills-ni pilak C&RD Block-rangni nokmarang, Sardar-rang, Schhagrahi-rang, DSBM Block Coordinator-rang, DSBM Ambassador-rang, VWSC mem-borrang aro gipinrang bakko ra·angaha.
Ua maniani tom·ao chief guest ong·e, JM Sangma, Executive Engineer (PHE) aro Member Secretary DSBM(G)-ni, a·pal re·ram-ramko bon·atna aro ja·bol galramramaniko rakkianiko nambatatna aro sorkarini scheme-rangko chu·sokat-na bakrimaniko aro mande-rangni jak on·paaniko am·e 2014-o India sorkarini a·bachengatgipa Swachh Bharat Mission-ni mik-song-chanchianirangko agan-mesokangaha.
Maniao West Garo Hills-ni dam dok C&RD Block-rangni ning·ogipa song 40-ko ODF plus ba a·pal re·ramrama grigipa songnok-rang ine parakat-aha aro chief guest, nok-matangtangna aro VWSC jakrikrarangna certificate-rangko pakwate on·angaha.
Gipinrang jemangan tom·ao aganaha uamang Samuel Ch Marak, Block Mission Coordinator, DSBM (G) Ambassador, Roni D Sangma, ICSA aro IEC Coordinator-rang Jal Jeevan Mission-ni aro Devanand R Marak, Block Coordinator Selsella Block-ni ong·a.
Maniani tom·ao gipin agan-ku·pattie on·anirang-rongtal-an·talani, ja·bol galramramako gelani gimin gitko ringangaha aro covid-19 tikka su·ani bi-dingo Samuel Ch Marak, Block Mission Coordinator aro DSBM (G) Ambassador aganagaha, Roni D Sangma-ni Swachha Hi Sewa-ni gimin tarigipa gitrangko ringangaha.
Resubelpara: Mijal Sonibar salo Resubelpara Multi Facility Center Bakra-o Jal Jeevan Mission baksa nangrime Executive Engineer PHE office Swachh Bharat Mission (G), Swach-hata Diwas-ko ong·atang-aha. A·song gimik A·songni pagipa Mahatma Gandhi-ni atchiani salko mijal October 2 tarik Sonibar salo maniao Swachhata Diwas ba rong-tal-an·talanirangko dakang-aha.
India-ni jakgitelani 75-gipa bilsi ba Azadi ka Amrit Mahotsav-ko maniani bak gita programme-koba ong·-atjolaha.
Z J Sangma, ADC chief guest ong·e jinmao aganao rongtal-an·talani bidingo uamangni namgipa kam-rangna bakko ra·giparang-ko didiangaha. Mande-rangni dangdike on·ani aro nama kamrango jeba sor-karini ja·ku de·anio chu·-sokani manderangni dang-dike on·ao aro kam ka·ani-rango pangchaka ine aganaha.
Swachh Bharat Mission aro Jal Jeevan Mission ia indakgipa programme-rangko a·bachengatanirang rongtal-antalanio, sanitation aro chirangko jakkala-nio sakantini kam ine pilak daitoko jako ra·e kamko ka·giparangni bak ra·paa-niko nangenga, ua agan-dapaha.
Programme-ni mitam agan-mesokenggipa Swa-chhata Hi Seva-ni ning·o Open Defection Free plus ba bangbango a·pal re·ram-rama grigipa aro nambat-sranggipa songrangko mande ra·aniko dakaha.
A·bachengao Mendi-pather bazaar-koba rongtal-an·talatanirangko dakang-aha jekon DLSA, Resubel-para Municipal Board, Nehru Yuva Kendra, CRPF, Scouts & Guides, NSS Mendipathar College-ni aro Mendipathar Merchant Association dakdilangaha.