TURA: Health and Family Welfare Minister, James PK Sangma, mni Sukrobar salo Tura Medical College construction site-ona re·ange kamrangko nirokeaha, aro kamrangko nike kusi ong·aniko parakatenba, Meghalaya sorkari, medical college-ko ta·raken kuliatna Health Department baksa meligrike kamko ka·enga ine aganaha.
Construction site-ko nirokea baksana medical college-ko rikaniko matchotatna kam ka·anio maiba neng·nikanirang donga dongjako iani bidingoba nipilangaha. Health Minister baksa Director of Health Services Dr Aman War, GHADC-ni chairman Rakesh Sangma aro gipin health official-rangba re·angpaha.
Ia college-o matchotaha ong·ode, Garo Hills a·jani chadamberangna bilongen namgni ong·gen. Je chadamberangan medical profession-ko ra·na chanchia donga, a·doko chol dongjani a·sel gipin biaprangona re·angna nanga, uni gimin a·doko medical college rikako matchotahaode chadamberangna dal·bea ka·dongani ong·gen aro Meghalaya a·dokoba medical college dongpaa, ingipa bimingko man·pagnok, ine Sangma aganaha.
Uandake sorkari, Health Department baksa melie, health-ni bidingo tarigipa scheme-rangko manderangona sokatna raken jotton ka·enga ineba agandapaha.
Indake ong·engon Sangma, health scheme-rangni bidingo health official-rang baksa tom·e, Tura Circuit House-o nipilangaha.
Minggipin re·anggipa Bristibar salo James Sangma, dingtang dingtang healtcare centre-rangkoba nirokeaha. Aro healthcare centre-o namdapatna kam ka·na aganaha.
Medical college-ko man·ahaode chadamberangna namgni ong·begen: James Sangma
Date:
Share post:
