SHILLONG: Meghalaya a·doko mijal salni bako sak 59 manderang COVID-19 sabisiko man·dapaha, jeon sak 126 manderang sabisioni nampilskaaha. Unomitingo sakbri manderang COVID sabisini a·sel mijalo siangaha, jeon sianggipa gimikan tikka su·tokkujachim.
Mijal salni bako sak 59 COVID sabisiko man·dapgiparangoni East Khasi Hills-o sak 34, North Garo Hills-o sak 1, Ri-Bhoio sak 6, West Jaintia Hills-o sak 10, West Khasi Hills-o sak 8, unagre a·dokni gipin district-rangode mijal salni bako COVID man·dapgiparang dongangjaha.
Batanggimin konta 24-ni gisepo East Khasi Hills-o sak 61, North Garo Hills-o sak 1, Ri-Bhoio sak 5, South West Garo Hills-o sak 1, South West Khasi Hills-o sak 1, West Jaintia Hills-o sak 17, West Khasi Hills-o sak 40, gimik sak 126 manderang COVID-oni nampiltokaha.
Unomitingo mijalni bako East Khasi Hills district-o sakgni aro West Khasi Hills district-o sakgni manderang COVID-ni a·sel uamangni janggirangko gimaataha, jemangan COVID tikkarangko su·tokkujachim.
Meghalaya A·doko COVID sabisiko man·giparang mijalona sak 82,423 gapahachim, uamangoni sak 79,850 manderang sabisioni an·sengpilaha, sak 1,421 manderang sabisio uamangni janggirangko gimaataha, indake COVID sagiparang a·doko da·oba sak 1,152 dongengkua.
Meghalaya a·doko da·omitingo sak 1,152 COVID man·giparang dongkuenga, uamangoni East Garo Hills-o sak 13, East Jaintia Hills-o sak 8, East Khasi Hills-o sak 621, North Garo Hills-o sak 2, Ri-Bhoio sak 48, South Garo Hills-o sak 2, South West Garo Hills-o sak 2, South West Khasi Hills-o sak 19, West Garo Hills-o sak 19, West Jaintia Hills-o sak 115, West Khasi Hills-o sak 303 dongkua.
