SHILLONG: Mijal Sonibar salni bako sak 83 manderang Meghalaya a·doko COVID-19 sabisiko man·dapaha, unomitingo sak 97 manderang COVID sabisioni an·sengpilaha, jeon sakgni manderang COVID sabisini a·sel uamangni janggirangko gimaataha.
Mijal salni bako sak 83 COVID man·giparangoni East Khasi Hills-o sak 51, North Garo Hills-o sak 1, Ri-Bhoio sak 3, West Jaintia Hills-o sak 2 aro West Khasi Hills-o sak 26. Unagre a·dokni gipin district-rangode mijalni bako COVID man·dapgiparang dongangjaha.
Sonibar salo a·doko sak 97 manderang COVID-oni nampiltokaha, uamangoni East Garo Hills-o sak 1, East Khasi Hills-o sak 20, North Garo Hills-o sak 1, Ri-Bhoio sak 3, South Garo Hills-o sak 1, South West Khasi Hills-o sak 2, West Garo Hills-o sak 3, West Jaintia Hills-o sak 13, West Khasi Hills-o sak 54. Gipin district-rangode mijalni bako nampilgipa dongjaha.
Batanggimin konta 24-ni gisepo East Khasi Hills-o saksa aro West Khasi Hills-o saksa gimik sakgni manderang COVID sabisini a·sel uamangni janggirangko gimaataha, uamang sakgni tikkarangko su·tokahachim.
Meghalaya a·doko COVId-19 sabisiko man·giparang mijalona gimikchide sak 82,898 gapangaha, uamangoni sak 80,587 mandeerang sabisioni an·sengpilaha, sak 1,434 manderang uamangni janggirangko COVID sabisini a·sel gimaataha.
COVID man·giparang Meghalaya a·doko da·o dipet sak 877 dongkuenga, uamangoni East Garo Hills-o sak 5, East Jaintia Hills-o sak 8, East Khasi Hills-o sak 507, North Garo Hills-o sak 2, Ri-Bhoio sak 37, South Garo Hills-o sak 1, South West Garo Hills-o sak 1, South West Khasi Hills-o sak 9, West Garo Hills-o sak 18, West Jaintia Hills-o sak 56, West Khasi Hills-o sak 233 dongkuenga.
