SHILLONG: Re·anggipa Mongolbar salo, Ri Bhoi a·jani police-rang, Ri Bhoi a·jani Nongspung C songoniko gopretna jakkalgipa bang·bea bosturangko man·aha.
Koborko on·ani gitade, ia gopretani bosturangko, Pillangkata-Killing rama jolo donggipa culvert damsani ning·o plastic bag-o katepe donako police-rang man·aha.
Ia bosturangara, fuse wire baksa kachapgipa ge 29 Electronic Detonator-rang, Power 90E Kelvex Gel, Class-2 Cat – ZZ Explosive 119 ong·achim.
Iani bidingo police-rang mokordomako segatenba, am·sandianirangko dakna a·bachengataha ine kobor on·aha.
Jagnimangna skangba Ri Bhoi a·jani police-rang, West Garo Hills a·jani police-rang baksa gopretna jakkalgipa bosturangko Ri Bhoi a·jani Umdu songo mande saksaoniko man·ahachim.