Sorkario kam ka·giparangni 22.5% arrear-ko ta·raken on·china CM-ko didia

TURA: Meghalaya sorkarini ning·o kamko ka·enggipa manderangma Fifth Meghalaya Pay Revision-ni 22.5 percent arrear-rangko on·kujaengani gimin adita salrangna skang, All Garo Hills Grade-IV Government Employees Association (AGHG-IVGEA) tom·e chanchirimangenba, kam ka·enggipa manderangni man·na nangkuenggipa bangki arrear-rangko ia bilsini November aro December jani gisepon on·china gita a·dokni Chief Minister Conrad K Sangma-na sedoataha.

AGHG-IVGEA-ni u·iatani gitade, ia Fifth Pay Revision-ni arrear-rangko 2017 bilsio 40 percent, 2018 bilsio 30 percent aro 2020 bilsio 7.5 percent ka·e kam ka·giparangna on·manahachim indiba bangki 22.5 arrear-kode da·o 2021 bilsi bon·angpilengahaoba on·kujaengachim.

“Iani bidingo chinga association-ni gita tom·e chanchirimangenba, bangki arrear-rangko ta·raken on·china sorkariko didina gita tik ka·angaha. Uni gimin sorkarini ku·rachakgimin gita sorkario kam ka·enggipa manderangni man·na nangkuenggipa 22.5 percent arrear-ko da·o November aro December jani gisepon on·china chinga mol·molatenga,” ine AGHG-IVGEA-ni dilgiparang, Chief Minister-na sedoatgipa memorandum-o parakataha.

Get real time updates directly on your device, subscribe now.

Comments are closed.