TURA: Meghalaya a·dokni damgittam Assembly constituency-rang, chong·motan Rajabala, Mawryngkneng aro Mawphlang constituency-ni gital MLA-ko seokna da·al Sonibar salo by-election-ko ong·atengon, Rajabala Assembly constituency-oba gimik sak 32,750 pu·onna bilko man·gipa manderang, an·tangtangna gital dilgipako seoktokgnok.
Meghalaya a·dokni sakgittam MLA-rang, chong·motan Mawryngkneng constituency-ni MLA David A Nongrum, Mawphlang constituency-ni MLA SK Sunn aro Rajabala constituency-ni MLA Dr Azad Zaman, ia bilsini gisepo siangahani gimin ia damgittam constituency-ni by-election-ko ong·atna nangengachim.
Indake ong·engon, Rajabala by-election-o gimik sakbonga candidate-rang susaenga aro uamangara, Congress dolni candidate aro gitcham MLA Dr Zaman sagini jikgipa Hashina Yasmin Mondal, NPP-ni candidate Abdus Saleh, UDP-ni candidate Ashahel D Shira, BJP-ni candidate Kingstone B Marak aro Independent candidate Carla R Sangma ong·enga.
Election official-rangni u·iatani gitade, da·o dipet Rajabala constituency-o gimik sak 32,750 voter-rang donga aro ia sak 32,750-oni sak 16,645-de me·chikrang aro sak 16,105-de me·asarang ong·a.
Rajabala constituency-ni ning·o dam 41 polling station-rang donga indiba ia chango COVID-19-na dongimin niamrang dongani gimin polling station damprako sak 1000-na bate pu·onna nangjana gita dam 17 polling station-rangko dondapataha ine official-rang parakataha.
Rajabala constituency-ni ning·o donggipa polling station-rangoni dam 29 polling station-de kenchakna nanggipa aro simsakbatna nanggipa polling station ong·engani gimin Election Commission, ia polling station-rangnade ma·mongni sipairang baksana a·dokni sipairangkoba dondapataha.
Pu·onaniko Sonibar pring 7:00 bajioni attam 4:00 bajiona ong·atanggen aro manderang pu·onna gita re·baengon, an·tangtangni Election Photo Identity Card (EPIC)-rangko ra·e re·bana nanggen ine official-rang u·iataha.
Pu·onenggipa somoio COVID-19-na dongimin niamrang, jekai mask-rangko ganani, jakrangko jaksuani, saksa sakgipinoni chel·tanggrike dongani aro uandakgipa niamrangko ja·rikchina gitaba official-rang didiataha.
Ia by-election-o kamko ka·na donatako man·gipa polling official-rangba re·anggipa Bristibar salonin an·tangtangni constituency-rangona re·angtokahachim.
Sonibar salo pu·onanirangko re·baenggipa November 2 tarik Mongolbar salo chanskagen aro ia apsan salon result-rangkoba parakatgnok.
Meghalaya a·dokni sakgittam MLA-rang, chong·motan Mawryngkneng constituency-ni MLA David A Nongrum, Mawphlang constituency-ni MLA SK Sunn aro Rajabala constituency-ni MLA Dr Azad Zaman, ia bilsini gisepo siangahani gimin ia damgittam constituency-ni by-election-ko ong·atna nangengachim.
Indake ong·engon, Rajabala by-election-o gimik sakbonga candidate-rang susaenga aro uamangara, Congress dolni candidate aro gitcham MLA Dr Zaman sagini jikgipa Hashina Yasmin Mondal, NPP-ni candidate Abdus Saleh, UDP-ni candidate Ashahel D Shira, BJP-ni candidate Kingstone B Marak aro Independent candidate Carla R Sangma ong·enga.
Election official-rangni u·iatani gitade, da·o dipet Rajabala constituency-o gimik sak 32,750 voter-rang donga aro ia sak 32,750-oni sak 16,645-de me·chikrang aro sak 16,105-de me·asarang ong·a.
Rajabala constituency-ni ning·o dam 41 polling station-rang donga indiba ia chango COVID-19-na dongimin niamrang dongani gimin polling station damprako sak 1000-na bate pu·onna nangjana gita dam 17 polling station-rangko dondapataha ine official-rang parakataha.
Rajabala constituency-ni ning·o donggipa polling station-rangoni dam 29 polling station-de kenchakna nanggipa aro simsakbatna nanggipa polling station ong·engani gimin Election Commission, ia polling station-rangnade ma·mongni sipairang baksana a·dokni sipairangkoba dondapataha.
Pu·onaniko Sonibar pring 7:00 bajioni attam 4:00 bajiona ong·atanggen aro manderang pu·onna gita re·baengon, an·tangtangni Election Photo Identity Card (EPIC)-rangko ra·e re·bana nanggen ine official-rang u·iataha.
Pu·onenggipa somoio COVID-19-na dongimin niamrang, jekai mask-rangko ganani, jakrangko jaksuani, saksa sakgipinoni chel·tanggrike dongani aro uandakgipa niamrangko ja·rikchina gitaba official-rang didiataha.
Ia by-election-o kamko ka·na donatako man·gipa polling official-rangba re·anggipa Bristibar salonin an·tangtangni constituency-rangona re·angtokahachim.
Sonibar salo pu·onanirangko re·baenggipa November 2 tarik Mongolbar salo chanskagen aro ia apsan salon result-rangkoba parakatgnok.