TURA: Hindurangni Diwali pujako manitokengani gimin Garo Hills gimikon boma palna aro bomarangko so·na gita sorkari, dingtangmancha niamrangko donattokaha.
Sorkari official-rangni u·iatani gitade, Garo Hills gimikon gipin a·songo tarigipa bomarangko palani aro breaniko champengataha aro bomarangko so·engon, 125dB (A) ba 145 dB (C)-na bate gam·gipa bomarangko, hospital, nursing home, primary aro district health care centre, skie ra·chakgipa biaprang, court-rang aro torom nokrangoni metre 100-ni ning·o so·na man·jawa.
Bomarangko licence donggipa manderangsan palna sim·na man·aigen aro bomarangko wal 8:30 bajioni wal 10:00 bajionasan so·na man·aigen ineba sorkari official-rang u·iataha.