TURA: Garo Hills-ni B Mahal-o donggipa a·arango Garo Hills Autonomous District Council (GHADC)-ni dilgiparang Israel-ni Agriculture Farming baksana Solar Park aro IRBn camp-rangko kulina miksongenga ine ia jolrango donggipa dingtang dingtang songni dilgiparang matnangenba, adita salrangna skang GHADC-ni dilgiparangko gronge iani bidingo agangrikangaha ine u·iataha.
B Mahal-ni ning·o donggipa a·arangko GHADC-ni CEM Benedic Marak, Israel a·songni Agricultural Company-na palna miksongenga aro ia biaprango ua an·tangni man·gninasa solar park aro GPS coordination-ko kulina miksongenga ine ia jolrango donggipa dingtang dingtang dolrang aro jolo songdongenggipa manderang matnangtokengachim.
B Mahal-ni ning·o donggipa a·arangara GHADC-ni ong·ja aro jolo songdongenggipa manderangnisa ong·a aro GHADC-de ia jolrangko aro jolo songdongenggipa manderangko nirokgipa gitasan ong·aia ineba dingtang dingtang dolrang a·kangtokengachim.
B Mahal-ni a·arangko GHADC-ni CEM palna miksongenga ong·ode GHADC-na on·ani asol lekkarangko ia jolrango songdongenggipa manderangna mesokchengna man·na nanggen ineba jolni manderang dabitokengachim.
B Mahal ning·o songdongenggipa nokdang ge·antionikon bigha-prako gong 20,000 ka·e GHADC-na gamatenga ine janapatengon, ia jolrango songdongenggipa nokdangrang bang·batan kangal cholgrirangsa ong·e indita tangkarangko gamna man·pajawa ine All India Garo Union aro All B-Mahal Area Citizens Forum-ni dilgiparang, GHADC-ni dilgiparangko gronge, ia neng·nikanirangko niatchina gita didiangaha.
B Mahal-ni bidingo songni dilgiparang, GHADC-ni dilgiparangko gronga
Date:
Share post:
