SHILLONG: A·songni gipin biaprango gitan University of Science & Technology Meghalaya (USTM)-oba National Education Day-ko November 11 tariko maniangaha.
Ia National Education Day-ko manianio Meghalaya a·dokni gitcham Education Minister aro Padmashri award-ko man·gipa Manas Chaudhuri, jinmana aganprakangengon, India a·songni skanggipa Education Minister Maulana Abul Kalam Azad-ni agangipa kattarangko gisik ra·atpilangenba, Azad-ni bebera·ani gitan skia pora man·gijaniko bon·atchenggijade a·songko namao chalaina man·jawa ine parakangaha.
Bilsiantian November-ni 11 tariko a·songni skanggipa Education Minister Maulana Abul Kalam Azad-ni atchiani salko gisik ra·na gita a·song gimikon manirongenga ine nikna man·a.
Ia manianio Manas Chaudhuri, university-ni bang·bea chatro chatrirangna aro skigiparangna aganprakangengon, Maulana Azad-ni a·songna on·gilanggipa kamrangni bidingo gisik ra·atpilaniko on·angaha.
USTM-na NAAC-ni gita grade ‘A’ upattiko on·ahani giminba ua USTM-ni Chancellor Mahbubul Hoque-ko mittelpile aganangaha.
Doctor ba engineer ong·namangmangsan jumang nikaigija, bading chiwalanirangoba gisikko on·e poraichina gita ua chatro chatrirangkoba didiangaha.
Iana skang USTM-ni Vice Chancellor Prof GD Sharma, rimchaksoani kattarangko aganangengon, Maulana Azad-ni janggi tangani aro uni kamrangni gimin chatro chatrirangna agan-talate on·angskaaha.
Ia National Education Day-ko manianio, USTM-ni Pro Vice Chancellor Prof K Muruga, USTM-ni Director Administration Dr BK Das aro gipinrangba dongpae bak ra·angaha.
