SHILLONG: Meghalaya Legislative Assembly election-na da·o bilsisa baditaba jarangsan dongaiahani gimin ia election-o chu·sokgipa ong·na gita United Democratic Party (UDP) rakbee kamrangko ka·sona a·bachengengaha ine u·iataha.
UDP-ni general secretary Jemino Mawthoh-ni kobor ra·timgiparangna parakatani gitade, 2023 bilsini Assembly election-na uamang rakbee kamrangko ka·sona a·bachengengaha aro ia chang election-o uamang bang·bata seat-rangko chee sorkariko dilna ka·dongenga.
Adita salrangna skang ong·atanggipa Meghalaya Assembly by-election-oba UDP-ni candidate-rang kraa gitan name dakna man·ahani gimin da·o 2023 bilsini Assembly election-ode uamang nambate dakna ka·dongenga ineba Mawthoh parakataha.
Adita salrangna skang ong·atanggipa a·dokni damgittam by-election-o UDP, Mawphlang constituency-ode chegipa ong·na man·ahachim aro Rajabala constituency-oba kraa gitan vote-rangko man·rikahachim ine nikna man·a.
Indake ong·engon, 2023 bilsini Assembly election-na skang, UDP-ko dingtang dingtang gadango, chong·motan youth wing, women’s wing aro farmers wing-ko bilakbatate kamrangko ka·sona gita UDP-ni dilgiparang tom·e chanchirimaha ine Mawthoh parakataha.
UDP-ni membor-rang bang·batan da·o kamrangko ka·na taritokengahani gimin re·baenggipa December ba January jani ja·mande Assembly election-na campaigna ka·aniko a·bachengatgnok ineba UDP-ni general secretary parakataha.
Adita salrangna skang ong·atanggipa by-election-o UDP-ni candidate Eugeneson Lyngdoh, Mawphlang constituency-o 4,004 vote-rangchi chegipa ong·ahachim aro Rajabala constituency-oba UDP-ni candidate Ashahel D Shira, 7,200 vote-rangko man·rikahachim ine nikna man·a.
Indake ong·engon, UDP-ni skanggipa office nokko rikanirang da·o matchotangengaha aro ia office nokko re·baenggipa December ba January jaon nokdonggae on·gnok ine UDP-ni general secretary parakataha.
2023 bilsini Assembly election-na skang UDP-ko bilakbatatna krengenga
Date:
Share post:
