SHILLONG: Meghalaya Chief Minister, Conrad K Sangma re·anggipa Sonibaro Rui-bhoi district-o Mawlyndep Community Center aro BioFloc Fish Tank-rangko Mawlyndep songo oprake on·angaha.
Oprake on·anio jinmana aganprakengon, ia Mawlyndep Community Center, a·doko nambatsranggipa Community center-rangoni damsa ong·a ine Chief Minister Conrad K Sangma aganaha. Iako man·aniara Mawlyndep-ni manderangna namen kusini ong·a, maina iano Tourism ba songre songbatani a·bako tang·doatna namen cholrang donga ineba Chief Minister aganaha.
World Bank-ni on·atgipa kror 15 tangkarangchi Mawmaram-ona rama tariahaode a·jolo Tourism-ko namdapatgen. Mawmaram-oni NEPA Junction-ona rama tarina tik ka·gipa project-ara uan kror 64-ni project ong·a, Sangma aganaha.
Mawlyndep Community Center-na bang·a bang·gijako Chief Minister-ni Special Development Fund-oniko chamataha.
Unomitingo, BioFloc Fish Tank-rangko oprake on·mitingo aganengon, a·doko na·tokkon bang·e cha·a, jeoni bilsio 30,000 metric ton mangni gita nanga. “A·doko bilsi gimiko cha·na nanggipa gimikoniko a·dokode 50 percent mangni gitasan man·enga, indake gipinchikon bang·en ra·bana nangengkua,” chief minister aganaha.
Chief Minister Conrad Sangma, ODF Certificate-koba Mawlyndep-na pakwatangaha.
Oprake on·ani somoio, Jason Sawkmie Mawlong, MLA, Umsning, Macdalyne Sawkmie Mawlong, MDC, Umsning, Ri-Bhoi Deputy Commissioner R M Kubah aro district-ni a·gipi official-rangba dongpaaha.
Mawlyndep Community Center aro BioFloc Fish Tank-ko CM oprake on·a
Date:
Share post:
