SHILLONG: Meghalaya-ni skotong songjinma Shillong-oni Delhi-ona sildoreng bilruraatgipako kusi ong·e a·bachengatani baikamjaha, jeon sildoreng bilruraatgipa dol, maming a·sel grian Shillong-oni Delhiona sildoreng bilruraataniko dontongataha.
Shillong-Delhi-ona sildorengko FlyBig, da·sikkari December jao a·bachengatahachim indiba Shillong-Delhi flight service-ko da·o dontongataha, uamang ia service-ko a·bachengattaigenma dontongsrangaignokma da·o dipet ma·sina man·kujaenga.
Sildoreng bilruruaaniko dontongani a·selrangko ma·sikujaenga, FlyBig uamangni Shillong-Delhi flight service-ko dontongahama, indiba da·omitingode ru·uta somoirangonin sildoreng bilruraa dongkujaenga ine Shillong Airport official-rangni aganahaha.
Unomitingo, FlyBig an·tangmangba da·omitingo sildoreng bilruraata grianiko parakaha.
