Assam-ni college ge 8 USTM baksa MoU soi ka·a

GUWAHATI / RI-BHOI: Assam-ni niksenggipa ge·chet college-rangoni Princial-rang, nangrime kam ka·na kam ka·ani bimangko tarina de·e ra·baan baksa University of Science & Technology Meghalaya (USTM) baksa ming chet dingtang dingtang Memorandum of Understsanding (MoU) soi ka·aha. Ua ge·chet college-rangara: Ledo College, Tinsukia; Digboi Mahila Mahavidyalaya, Digboi; N. L. Borgohain College, Dibrugarh; Amguri College, Sivasagar; Nowgong Girls’ College, Nagaon; Mori-gaon College, Morigaon; Karmashree Hiteswar saikia College, Guwahati aro Goalpara College, Goalpara ong·a. MoU-rango Prof GD Sharma, Vice Chancellor USTM aro janapgimin college-rangni Principal-rang soi ka·aha.
Prof GD Sharma tom·ao aganao MoU-rang porai-gipa chatro-chatri, skigipa-rang aro college-rango kam ka·giparangni gisepo nangrime kamko ka·na chol ong·gen. “USTM soi ka·gipa college-rangni bil gnanggiparangoni recommendation-ni bidingo chugipa gadangni lekka-pora skie ra·anina poraiao nambatsranggipa kangal-cholgrigipa chatro-chatrirangna freeship/scholarship-ko on·gen”, ua agandapaha.
USTM-ni NKC-o college principal-rang baksa parakgrike agangrikani session-ko dakaha jeon USTM-ni Chancellor, Mahbubul Hoque-ba aganangaha. Skigiparang, staff aro poraigiparangna ICT, Counselling, Training unagreba gipinrango nangrime skie on·ani kamna college-rang baksa ku·rachakgrikanirang namgni ong·gen, ua aganaha.
MoU-rangni miksong-chanchianirango skie on·anio, kal·susaani uandake cultural activities-ko man·chape dingtang dingtang poraigiparangni kamrango nangrime krenganirangchi USTM aro College-rangni gisepo melie bak ra·aniko a·bachengate aro kamrangko nirokgrike nangrime Seminar, Workshop, Conference, Symposiums & susaani-rangko ong·atna ong·atna, mongsonggipa manianirangko manina aro somai somaio name dakgiparangko mande ra·achi nama kamrangna mitelna ong·a.
University-ni students/scholars aro skigipa memborrangchi joltangnirang baksa bakrimgipa a·jolrango institution-rang nangrime undertake research & project work-rangko ka·anggen. Internship programmes/ project works/exposure trips/placement-na USTM-ni poraigiparangni namgnina dingtang dingtang college-rang ku·rachakgrikaha. Jedake socio economic & neighboring & songgadamni jatrangna ja·ku de·gipa namgni gita extension aro outreach activity-rangko ong·atna soi ka·gipa college-rang ku·rachakgrikaha.
A·jolni jeba ong·telaigipa a·sel jedake chi bana,  banggria, a·a rurong unagreba gipin a·selrang ong·mitingo manderangna dakchakna aro tom·tomanina, jonga-ada, a·song aro jatni meli-nanggrimanina college-rang ku·rachakgrikaha. Soi ka·ani saloni bilsi gittamna agreement-rang cholienga aro nipiltaigipa committee-ni recommendation-ni gita bilsignina ra·dodapna man·gen.

Get real time updates directly on your device, subscribe now.

Comments are closed.