TURA: Ia sal somoirango a·gilsak gimikon me·chikrangni kosako ong·gija dakanirangko bon·atna gita kamrangko ka·tokengon, East Garo Hills a·jaoba ia ‘International Day for the Elimination of Violence Against Women’-ni salo, me·chikrangni kosako ong·gija dakanirangko bon·atna gita district administration, One Step Centre (OSC), Mahila Shakti Kendra, District Police aro dingtang dingtang department-rangba ku·mikchetaniko dakangaha.
A·gilsak gimikon me·chikrangni kosako ong·gija dakanirangko bon·atna gita ia ‘International Day for the Elimination of Violence Against Women’-ko 1981 bilsionin November 25 tariko manirongbaenga ine nikna man·a.
Indake ong·engon, East Garo Hills a·jaoba Deputy Commissioner Swapnil Tembe-ni dilanichi, me·chikrangni kosako ong·gija dakanirangko bon·atna gita ribbon gipokko pate, jinma ku·mikchetanirangko dakangaha.
“Me·chikrangni kosako ong·gija dakanirangko bon·atna gita chingni ku·mikchetanio dingtang dingtang department-rang aro gipin dolrangba bakko ra·angaha aro ia kamo na·simangkoba ching baksa bakrimchina anga mol·molenga. Me·chikrangni kosako ong·gija dakgipa kamrangko chinga nie dongjawaha aro iandakgipa kamrangko bon·atna chinga rake kamko ka·gen. Ribbon gipokko chingni gananian ia kamo chingni bakrimna ku·rachakaniko mesokani ong·enga. Anga bebera·a na·simangba ia kamo bak ra·gen,” ine East Garo Hills a·jani Deputy Commissioner Swapnil Tembe, social media-o parakataha.
EGH-o me·chikrangni kosako ong·gija dakaniko bon·atna ku·mikcheta
Date:
Share post:
