SHILLONG: Bangladesh Liberation War, 1971-ni bilsi 50 gapaniko gisik ra·e Meghalaya Pradesh Congress Committee (MPCC) mijal pringo Congress Bhawan-o maniaha.
Manianio mongsonggipa ong·e sokgipa AICC-ni Bangladesh Liberation War Commemoration Committee convener Capt. Praveen Davar, dal·batgipa dakgrikanio India-ni cheani jeon Bangladesh-ko bak dakaona sokahachim, uni itihas-ko tom·bimonganio bak ra·gipa Congress dolna kam ka·gipa, chadambe, chatro-chatri aro me·chikrangna aganaha. Uni aganani gitade unomitingo Prime Minister ong·gipa Indira Gandhi-ni ka·dongani, aro mikjumanganichi military-ni dilgipa Field Marshal (unomiting General) Sam Manekshaw aro Navy-ni sakgni chief-rang aro Air Force-Admiral S.M. Nanda aro Air Chief Marshall P.C. Lal mang dakgrikanio raken kamrangko ka·e name diltokaha.
Capt. Davar-ni aganani gitade 1971 bilsini November jao, India-ni East Bengal-o refugee-rang million 10 mang gapaha.
Lok Sabha elections-o susae chetaiani gimin neng·nikanirangko aro ra·beanirangko namaona ra·bagen ine Prime Minister Indira Gandhi-o ka·dongtokaha. Indake, neng·nikanirangko ta·rake namaona ra·bana gita ua rang·san simsaka gnang kamrangko ka·aha. Indake, maibakai dakgrik-dinggrikaona sokgenchimode US-China-ni dakchakaniko man·a gita India, August 9 tariko, bilsi 20-ni ludo-Soviet Treaty-ko soi ka·aha, aro uamang soi ka·ani ja·man adita ja·ku de·ani bidingo simsaksoe golpogrikanirangko dakaha.
Capt. Davar, dakgrike sianggipa sak 4000 sipairang aro ge 513 Vir Chakra, ge 77 Mahavir Chakra aro ge 4 Param Vir Chakra-rangko chegipa – Major Hoshiar Singh, Flying Officer Nirmaljit Singh Sekhon, 2/Lt. Arun IWetarpal aro L/ Naik Albert Ekka mangko mande ra·aniko dakangaha. Unbaksana, Defence Minister Jagjwan Ram, Foreign Minister Swarfow SiRgh aro BSF dol aro Mukti Bhani jean Bangladeshi jakgitelna dakgrikgipa saksa chadambe Army-rangkoba rasong on·angaha.
Tom·bimonganio, Meghalaya PCC General Secretary Smt Wansuk Syiem aro adita dilgiparang bak ra·e aganprakangaha.
Bangladesh Liberation War, 1971-ni bilsi 50 gapaniko gisik ra·e mania
Date:
Share post:
