SHILLONG: Shillong Ward’s Lake-o salgittamna ong·atagipa Literary Festival-ko an·sengbee, talk show, mingsinggipa author-rang baksa agangrike aro selfie ka·achi matchotangaha.
Lit Fest, jean Cherry Blossom Festival-ni bak ong·a, uko mni November 25 tarikoni a·bachengate Sonibar salo matchotangaha.
Uandake festival-o a·songni dingtang dingtang bakrangoni mingsinggipa author ba ki·tap segipa aro poedo segiparang jekai- Amitav Ghosh, Namita Gokhale, Devdutt Pattanaik aro Shillong-ni mingsinggipa Kynpham Singh Nongkynrih, Macdeline Tham aro gipinrang bak ra·angtokaha.
Indake ong·engon author-rang baksa agangrikanio, mitamrang festival-o bak ra·e aro mitamrang online gita bak ra·angaha.
“Beben ia chasongo chadamberangni gisepo lekka ki·tap poraiani bewal namen komiangjok. Bi·sarangna lekka on·na nanggen anga chanchia, uamang poraina namen kusi ong·begen. Chadamberangnade poraianiara namen sinjetani ong·skaa, uamangna poraianide gisiko chipe porikkana asonganisan ong·a. Indiba ki·tap poraianiara porikka senasan ong·aija iako u·iatna nanga, ki·tapba an·chingni namgipa ripeng ong·na man·a, ine author, screenwriter Paulami Duttagupta aganaha.
Indake ong·engon festival-ni bon·kamgipa salo Indian actor Naseeruddin Shah-ba bak ra·angaha, aro an·tangni film industry-o kam ka·ani gimin aganangaha.
Festival-ni bon·kamgipa salode bi·sarangkoba napna on·aha. Uamang an·sengbee dingtang dingtang cha·anirangko cha·e aro biaprangko niroroe somoi re·ataha. Iarangna agreba festival ong·atgipa biapo food stall aro creative art stallrangkoba donaha. Indiba gate a·palode bang·a manderang napna ru·ute sengna nangani gimin kusi ong·tokgija aganinirangko knana man·skaha. Ward’s Lake-osan ong·ja Polo-oba apsan daken manderang ru·ute senge dongako nikna man·aha. Minggipin festival-o napna gita Covid protocol ba niamrangko ja·rikaha.
Lit Fest, jean Cherry Blossom Festival-ni bak ong·a, uko mni November 25 tarikoni a·bachengate Sonibar salo matchotangaha.
Uandake festival-o a·songni dingtang dingtang bakrangoni mingsinggipa author ba ki·tap segipa aro poedo segiparang jekai- Amitav Ghosh, Namita Gokhale, Devdutt Pattanaik aro Shillong-ni mingsinggipa Kynpham Singh Nongkynrih, Macdeline Tham aro gipinrang bak ra·angtokaha.
Indake ong·engon author-rang baksa agangrikanio, mitamrang festival-o bak ra·e aro mitamrang online gita bak ra·angaha.
“Beben ia chasongo chadamberangni gisepo lekka ki·tap poraiani bewal namen komiangjok. Bi·sarangna lekka on·na nanggen anga chanchia, uamang poraina namen kusi ong·begen. Chadamberangnade poraianiara namen sinjetani ong·skaa, uamangna poraianide gisiko chipe porikkana asonganisan ong·a. Indiba ki·tap poraianiara porikka senasan ong·aija iako u·iatna nanga, ki·tapba an·chingni namgipa ripeng ong·na man·a, ine author, screenwriter Paulami Duttagupta aganaha.
Indake ong·engon festival-ni bon·kamgipa salo Indian actor Naseeruddin Shah-ba bak ra·angaha, aro an·tangni film industry-o kam ka·ani gimin aganangaha.
Festival-ni bon·kamgipa salode bi·sarangkoba napna on·aha. Uamang an·sengbee dingtang dingtang cha·anirangko cha·e aro biaprangko niroroe somoi re·ataha. Iarangna agreba festival ong·atgipa biapo food stall aro creative art stallrangkoba donaha. Indiba gate a·palode bang·a manderang napna ru·ute sengna nangani gimin kusi ong·tokgija aganinirangko knana man·skaha. Ward’s Lake-osan ong·ja Polo-oba apsan daken manderang ru·ute senge dongako nikna man·aha. Minggipin festival-o napna gita Covid protocol ba niamrangko ja·rikaha.