TURA: Re·baenggipa December 10 tarikoni 12 tarikona Assam a·dokni Jorhat-o ong·atenggipa 4th Northeast Pencak Silat Championship-o Meghalaya Pencak Silat Association-ba bakko ra·ena sienga ine kobor on·aha.
Association-ni membor-rangko dilangna sienggipa manderangara, team manager Eddy D Marak aro Team coach Elbiston Marak ong·enga.
Ia Northeast Pencak Silat Championship-o bakko ra·ena sienggipa chadamberangara, West Garo Hills a·jaoni Sengkubirth B Marak, Beamsaint B Marak, Sengsam B Marak, Rikkam B Marak, Brohambirth B Marak, Karimcheang A Sangma, Aganbilra A Sangma, Asher A Sangma, Tengsal A Sangma aro Walsame A Sangma ong·a. East Garo Hills a·jaoni bakko ra·ena sienggiparangara Rapse N Sangma aro Jaksalarimchi T Sangma ong·a aro unbaksana North Garo Hills a·jaoniba Moonmoon Rabha ong·enga.