SHILLONG: Meghalaya Upper Primary School Teachers Association (MUPSTA) banner-ni ning·o Adhoc aro Improve School-rangni skigiparang, West Garo Hills, Tura, Asanang-o December 3 tarik da·al salni bako Garo Hills Region-MUPSTA jeko chanchigen uko East Khasi Hills Region-MUPSTA-ba namnikpaigen. Bilsi bri bilsirang ong·nasiengaha de·e mesokgimin mingprakni gita Adhoc UP school-rangko deficit gadangona ra·dochina donchipenggipa dabianiko chu·sokatna NPP-chi dilenggipa MDA sorkari-ni knachakgija kamni kosako jegalna ba jingjengatanina chanchiani ong·naba donga.
Chingna de·e mesok-gimin upgrade ka·ani kamko maina ru·utatenga aro uni gimin nangenganirangkoba department-na on·manaha. MUPSTA East Khasi Hills District changsatai ua mamlako niatchina aro Adhoc UP School skigipa-rangni neng·nikanirangna gisik sachakaniko mesok-china sorkariko mol·-moltaina nangnikenga.
Ia kattako MUPSTA East Khasi Hills-ni Publicity Secretary B.K. Samiam parakaha.
