SHILLONG: Meghalaya State Women’s Commission (MSCW)-ni gital chairperson-ko ia December jani gisepon songe on·gen ine a·dokni Social Welfare Minister Kyrmen Shylla parakataha.
Shylla-ni parakatani gitade, MSCW-ni gital chairperson-ko songna gita kamrangko chief minister ra·chakmanaha aro bakan gital chairperson-ni bimingko jinmana parakatgnok.
“Women’s commission-ni gita chairperson-ko ia jani gisepon u·iatgnok aro iako anga na·simangna ku·rachakenga,” ine Social Welfare Minister parakataha.
Meghalaya a·doko me·chikrangko drae til·ekanirang, rim·drae pale cha·anirang, ka·saninggija dake jakkalanirang aro uandakgipa ong·gija kamrangko nikna man·engoba da·onan MSCW-ni gital chairperson-ko songkujaengani gimin a·dok sorkariko matnangtokengachim ine nikna man·a.
Kobor on·timgiparangni u·iatani gitade, me·chikrangni kosako ong·gija dakani case-rang sokbaon, Commission-ni gipin membor-rangsa kamrangko ka·na gita nangrongenga indiba commission-ni chairperson dongjani a·selan mongsonggipa kamrangko ka·aniode ja·donggataniko man·na nangengachim.
MSCW-ni gitcham chairperson Theilin Phanbuh-na dongimin somoi, 2020 bilsini November jao bon·angaonin Meghalaya a·doko women’s commission-ni chairperson dongkujaengachim.
Uni ja·man sorkari, changgnina dorgastorangko okamahachim indiba skanggipakode jegalahachim.