SHILLONG: Robibar saloni Sombar salona konta 24-ni gisepo Meghalaya a·dok gimiko mande saksamangmang COVID-19 man·dapaha indiba ia konta 24-ni gisepo a·dok gimikon COVID man·e sigiparang dongtaijaha.
Konta 24-ni gisepo COVID-19 man·dapgipa mande saksako channe da·o Meghalaya a·dok gimiko COVID-19 man·e dongenggiparang gimik sak 203 gapengaha.
Konta 24-ni gisepo COVID man·gipa mande saksara East Khasi Hills a·jaoni ong·a.
Ia apsan salon gimik sak 21 manderang Meghalaya a·dokni dingtang dingtang biaprango COVID-19-oni nampilskana man·aha aro uandaken ia COVID-oni nampilgiparangba gimik sak 83,019 gapskaengaha.
Da·o dipet Meghalaya a·doko COVID-19 man·e sianggiparang gimik 1476 gapskaengaha.