SHILLONG: Meghalayao, Court Fee-rangna e-payment-rangko dakna aro bregiparangna e-Court Fee Certificate online-ko dakna man·na gita aroba certificate-ko pilak judicial aro quasi judicial kamrangna jakkalna man·na gita e-Court Fees Rules-·o ra·gatchina de·e ra·bagipakoba a·dok Cabinet mijalo ra·chakaha.
Meghalaya Regulation of Gaming Act, 2021-ko bilona ra·bana gita, Meghalaya Regulation of Gaming Rules 2021-koba Cabinet-o ra·chakaha ine Cabinet Minister James Sangma aganaha. Iako ra·gatanichi, oline gita aro offline gita kal·atanirangoniko kajina man·na gita Sorkarina chol ong·gnok ineba Sangma aganaha.
Meghalaya State Consumer Protection (State Consumer Protection Council & District Consumer Protection Council) Rules 2021-koba Cabinet-o ra·chakaha. Meghalaya Rural Employment Guarantee Scheme 2005-ko taridapan baksa 2022-na tarigipa holiday list-rangkoba ra·chakangaha.
