SHILLONG: Election-o sawa chakatna man·gen sako champengatgen iani bidingo Election Commission-na agre darangba tik ka·na man·ja, ine NCP State President, Saleng Sangma aganaha.
A·dok sorkarini, teacher ba skigiparangko politics-o bak ra·oniko champengatani gimin Sangma, ia kattarangko aganaha.
Sonibar salo kobor ra·timgiparang baksa agangrikmitingo Sangma indine aganaha, ‘Politics-o badita sakan educationist-rang jekai Ampareen Lyngdoh, RC Laloo aro Jemino Mawthoh-uamang donga. Angni nikanio ba u·iani gitade dosio ga·akgimin manderangkosa electoral process-o bak ra·ako champengata.
“India-o election card aro puona bil dongode, anga an·tangni mikkangchina aro namnikatang profession ba kamko basena bil donga ine Saleng aganaha.
Niatgenchimode skigiparang mande ra·ako man·batgiparang ong·a, uamangba gisik sikani dongode politics-o bak ra·na bil donga, maina sorkario kam ka·giparangoniba badita sakan politics-o kam ka·giparang donga.
Chief Minister Conrad K. Sangma, education-ni a·bao kam ka·giparang, gipin kamrang jekai politics-oni chel·e dongon nambata ine aganaha.
Uni ia agangipa kattarangko bang·arangan namnikjae jegalattokaha.
Uandake Voice of the People Party (VPP), National People’s Party-ni dilenggipa sorkariko ta·raken, teachers, lecturers aro professor-rangko political organisation ba local body-ni office-o bak ra·e kam ka·oniko champengate notification on·gipa ra·galchina mol·molaha.
Uandake Chief Minister-ni adviser AL Hek-ba teacher-rangko politics-o bak ra·na cholko on·china aganaha.
Politics-o champengataniko on·na EC-osan bil donga: Saleng Sangma
Date:
Share post:
