TURA: East Garo Hills a·jao Aadhar-na biming segatani da·o 73 percent batahaoba 27 percent dongkuengani gimin re·baenggipa 2022 bilsini March jaode Aadhar-na biming segataniko 100 percent gapatna gita a·jao songdongenggipa pilak manderangkon biming segatchina East Garo Hills a·jani Deputy Commissionet Swapnil Tembe didiataha.
Deputy Commissioner-ni parakatani gitade, chatro chatrirangni scholarship aro sorkarini dingtang dingtang kamrangnaba da·o Aadhar-ko nangchongmotengahaoba mitam manderang Aadhar-na biming segatna gita gisik nangtokjaengachim.
“Sorkarini dingtang dingtang scheme-rangko ra·na gita Aadhar-ko nangchongmotengaha aro da·ode chatro chatrirangni scholarship aro sorkarini gipin scheme-rangko ra·na gitaba Aadhar-ko nangengaha. Uni gimin ia Aadhar-ara a·songo songdongenggipa pilak manderangnan nangchongmotgipa ong·enga,” ine Tembe parakataha.
Aadhar card-ko da·o chatro chatrirangni scholarship aro stipend-rangna, a·dok sorkarini on·enggipa scheme-rangna Direct Benefit Transfer (DBT)-ko ra·na, kamoni neng·takgimin manderangni pension-rangko ra·na, bank account-rangko kulina aro uandakgipa dingtang dingtang kamrangnaba nangchongmotgnok ineba East Garo Hills a·jani Deputy Commissioner talate on·angaha.
East Garo Hills a·jao manderang Aadhar-na bimingtangtangko segatna man·na gita sorkari dingtangmancha, DC office, DRDA Hall 2 aro pilak block office-rangoba centre-rangko donataha ine u·iatengon, bakan Aadhar segatgipa mobile unit-rangko a·jani diltubatsranggipa songrangonaba watatgen ine Tembe parakataha.
