TURA: Adita salrangna skang, East Garo Hills a·jani Krishi Vigyan Kendra (KVK)-ni gita ‘Jal Jawan Jai Kisan’-ni bidingo National Campaign-ko KVK Campus-o ong·atangaha aro ia program-ko ong·atanio East Garo Hills a·jani Deputy Commissioner Swapnil Tembe, mongsonggipa sokgipa ong·e bakko ra·angaha.
Ia program-ko ong·atanio East Garo Hills a·jani dingtang dingtang biaprango game ge·e cha·enggipa manderang bakko ra·angtokaha aro ia tom·anio East Garo Hills a·jani Deputy Commissioner, jinmana aganprakangengon, ‘Jai Jawan Jai Kisan’ campaign-ni bidingo talataniko on·angenba, an·tangtangni janggi tangani gadangko namdapatna gita gama ge·anirangko tang·doatchina gita game ge·e cha·giparangko didiangaha.
Ia program-ko ong·atanio NSC-ni dakchake on·gipa ming 40 me·su bitchilrangko, Deputy Commissioner-ni jakchi Anganwadi worker-rangna aro game ge·e cha·enggiparangna suale on·angjolaha.