SHILLONG: Meghalaya a·doko All India Trinamool Congress (AITC)-ni dilgipa sakgni ong·katpilna sienga ine ma·sina man·gijagipa manderangni social media-o parakataniko AITC-ni dilgiparang jegalataha.
AITC-Meghalaya-ni Charles Pyngrope aro George B Lyngdoh, ong·katpilna sienga ine social media-o parakataniko jegalatengon, ian AITC-o manderangni ka·donganiko pe·na jotton ka·anisan ong·enga ine AITC-ni dilgiparang parakataha.
“AITC-ni dilgipa sakgni, chong·motan Charles Pyngrope aro George B Lyngdoh doltangko watgen ine Krismasni somoio ma·sina man·gijagipa manderang Facebook page-o parakataha. Uamang an·tangtangko media agency ine seaha indiba kakketko sandichenggijasa koborko seataha. Meghalaya a·dokni manderangko Trinamool Congress ma·sichakjawa ineba uamang seaha indiba ia pilakan kakket ong·ja,” ine AITC-M-ni dilgiparang talataniko on·angaha.
“Chingni dal·rorobaaniko pe·galna miksonge ja·ku de·aniko chinga raken jegalenga. Iandakgipa kamrangara chingko chingni kamo bilakbatatna aro krengangkuna didiani gitasa ong·skaenga. Meghalaya a·doko namroro silroroaniko ra·bana gita chingni dilgiparangni kamna chinga rasong man·a. Uni gimin iandakgipa kattarangko bebera·jachina chinga sakantikon didienga,” ineba AITC-M parakataha.
Meghalaya a·dokni manderangna namroro silroroaniko ra·bana gitasa AITC chadengenga aro ianoni maming saloba an·piljawa ineba AITC-ni dilgiparang parakataha.
