SHILLONG: Meghalaya a·dokoba bilsi 15-oni bilsi 18 ong·gipa chadamberangna COVID-ni tikarangko su·na a·bachengatahaon, jagittamni gisepon komibeoba lak 2.6 chadamberangko tika su·e ra·na gita sorkari nisanko donenga.
Bilsi 15-oni bilsi 18 ong·gipa chadamberangko re·anggipa Sombar sal dipet tika su·na a·bachengatahachim aro skanggipa salon Meghalaya a·dok gimiko sak 874 chadamberangkode tika su·e ra·na man·ahachim.
Indake ong·engon, Meghalaya a·doko bi·sarangna tika su·e on·anian manderangni nangnikani ong·enga aro jagittamni gisepon komibeoba lak 2.6 chadamberangko sorkari, tika su·e ra·na miksongenga ine a·dokni Deputy Chief Minister Prestone Tynsong parakataha.
“Bilsi 15-oni bilsi 18 ong·gipa chadamberangko da·o skul, college aro uandakgipa institute-rangona watatpilani somoi ong·engahani gimin chinga namen jajrengengachim indiba da·o bilsi 15-oni bilsi 18 ong·gipa chadamberangkoba tika su·na a·bachengatahani gimin chinga namen kusi ong·a,” ine Tynsong parakataha.
Deputy Chief Minister-ni parakatani gitade, Meghalaya a·doko bilsi 15-oni bilsi 18 ong·gipa chadamberang sak lak 2.6-mang ong·a aro ia chadamberangko sorkari, jagni ba jagittimni gisepon tika su·e on·na miksongenga.
A·dokni dingtang dingtang biaprango tika su·chakani biaprangko sorkari kulidape on·gen aro songrangonaba tika su·gipa dolrangko watatgen ineba Tynsong parakataha.
Bilsi 15-oni bilsi 18 ong·gipa chadamberangko tika su·na a·bachengatahani gimin detangtangko su·e ra·rikchina gitaba ua ma·a paarangko didiataha.a
Ja 3-ni gisepon lak 2.6 chadamberangko a·doko tika su·na nisan ka·enga
Date:
Share post:
