Ri-Bhoio petrol pump-ko dakait daka

NONGPOH: Ri Bhoi District, 14th Mile, Highway Carrier’s Refilling Centre petrol pump-oniko silchidare jakbite sakgni dakait dakgiparang gong lak gnina baten ra·seke ra·angaha.
Koborni gita ua a·sel mijal attam 5:38 bajimango 9mm pistol aro AK-47 silchidare jakbitgipa sakgni denggurang 220cc gisim gitchak pulsar motor-bikeo ra·bae manager-ni kutturio napaha aro uamangko slai todinge pilak pale man·a tangkako on·china petrol pump-o kam ka·giparangko aganaha.
Salni pale man·a tangkako on·a manager-ni kutturiona sakgipin petrol pump-o kam ka·gipa re·angengachim, ua gong 50,000-na bata tangkakoba denggurang ra·e katangsrangaha aro Assam-ni Sunapur a·jolona katangaha, u·iataha.
Petrol pump-o kam ka·giparangni koboro aganani gita uamang ua salo petrol pump-ni machine-ko chatekao jakchakjaengachim indiba attam 5:38 bajimango bolsa motor bike re·bae manager-ni kutturini do·gako doktikaha unon do·gako oon denggurang uamangko slai jotdike tangka gimikko on·china aganaha. Gong lak gnina baten silchidare gnang dakait dakgiparangni ra·seke ra·anganiko u·iataha.
CCTV Footage-rango nikrikani gita, dakait dakgiparangoni saksa AK47-ko jakbita mufflerchi mikkangko pingropa aro sakgipin 9mm pistol ra·e helmet stika. CCTV footage resolution komiani a·sel motor-bike-ni nomborko rongtale nikjaha.
Ua a·sel ong·ani kobor man·e Byrnihat Oupost-oni police a·selko sandina biapona re·angaha aro dakait dakgiparangko rim·na sandienga. Ua a·selni gimin Byrnihat Police Outpost-o mamla segataha.

Get real time updates directly on your device, subscribe now.

Comments are closed.