SHILLONG: Meghalaya a·doko sorkarini kamrangna upper age limit ba batgipa bilsi donaniko Schedule Tribe-rangna bilsi 32-oni bilsi 37-ona ra·dodapataha aro gipinrangnaba bilsi 27-oniko bilsi 32-ona ra·doataha.
Budbar salo, Meghalaya Cabinet-ni tom·aniko ong·atanio sorkarini kamrangna bilsi batataniko sorkari ra·chakangaha.
Iani bidingo Cabinet tom·a matchotani ja·man kobor ra·timgiparangna u·iatengon, sorkarini kamrangna bilsi donaniko batatahaoba, ian state police, civil defence & home guards aro uandakgipa kamrangnade nangchakeani dongjawa ine a·dokni Chief Minister Conrad Sangma parakataha.
