TURA: Re·baenggipa January-ni 26 tariko Meghalaya a·dokni dingtang dingtang biaprango Republic Day-ko manidilna aro nisanrangko badale on·na gita Meghalaya sorkari, dingtangmancha dilgiparangko sualataha.
Sorkari official-rangni u·iatani gitade, Meghalaya a·dokni skotong Shillong songjinmao a·dokni Governor Satya Pal Malik, mongsonggipa sokgipa ong·e a·songni nisanko badale on·anggen aro Tura-o a·dokni Chief Minister Conrad K Sangma, mongsonggipa sokgipa ong·e bakko ra·angskagen.
Jowai-o a·dokni Deputy Chief Minister Prestone Tynsong, a·songni nisanko badale on·anggen aro Resubelpara-o Minister James PK Sangma, badale on·angskagen.
Williamnagar-o Cabinet Minister Sniawbhalang Dhar aro Mairang-o a·dokni Home Minister Lahkmen Rymbui bakko ra·angskagen.
Mawkyrwat-o Cabinet Minister Brolding Nongsiej bakko ra·anggen aro Ampati-o Cabinet Minister Kyrmen Shylla bakko ra·angskagen.
Nongstoin-o Cabinet Minister Hamlet Dohling a·songni nisanko badale on·anggen aro Khliehriat-o Cabinet Minister Banteidor Lyngdoh badale on·angskagen.
Baghmara-o Cabinet Minister Renikton Lyngdoh Tongkhar, mongsonggipa sokgipa ong·e bakko ra·anggen aro Nongpoh-o sakgipin Minister Dasakhiat Lamare, bakko ra·angskagen.
Una agreba Sohra Civil Sub-Division-o Sanbor Shullai, Amlarem-o W Shylla, Dadenggre-o Rupert Momin, Pynursla-o M Byrsat, Chokpot-o Jim Sangma, Raksamgre-o Thomas Sangma, Mawshynrut-o Gigur Myrthong, Ranikor-o Pius Marwein, Patharkhmah-o S Sohtun aro Hima Shangpung (Laskein C&RD Block)-o Comingone Ymbon, mongsonggipa sokgipa ong·e bakko ra·anggen ine u·iataha.
